عبدالعزيز:ايوا نعم
المتصل:معك بو محمد أكلمك بخصوص الإعلان اللي منزلينة في الجريدة .
عبدالعزيز:ياهلا والله بأخوي بو محمد
ابومحمد:كيف أوصلك
عبد العزيز:تشرفنا أنت والدة البنت في بيتنا ,وبعد ماتتعرفون عليها ,الله يقدم اللي فيه الخير
أبو محمد:مينفع أجي بروحي ,أمها في النعيريه.وأنا خالها
عبد العزيز:لأ,ياخوي مينفع,لأنو البنت ماتتذكر شيئ أبد ,واسمح لي يمكن تكون البنت مو بنتكم ,صعبة تتكشف عليك
ابومحمد:اجل أن شاء الله بنكون أنا وأمها عندكم بالليل بيننا اتصال.
عبدالعزيز:حياكم الله ,مع السلامة
في بيت أبو سالم ....وصايف:أنا تعبانه مابي أروح معكم المزرعة,خذ معك سعود وبس
سالم:تبين نروح المستشفى
وصايف:لأ,ياعمري مايحتاج ,بس أبي أرتاح
غصون:الهنوف قولي لفيصل يستعجل شوي بنتأخرعلى الجماعة .
الهنوف:أنتي مافيكي صبر,,توالرجال جاي من الدوام ,خلية يريح شوي ,
غصون:يريح في المزرعة أحسن
فيصل:سمعتك يادبة,ليه ماتروحي مع السواق أحسن لك ولنا
سعود:هزلت ,تروح مع السايق وأنا موجود,يلا قومي معي ..
العجز مطولين هاذا مع زوجته وأبوي بيستنى جدي.
غصون:يعيشك أنت الوحيد اللي فاهمني في هالبيت ..أم سالم وأنا بقوم معكم ,أنا شباب ,الكل :ههههههههههه
سعود:يلا سرينا
في بيت....بو خالد....خالد:وين عيالك ,كذا بنتأخر على الجماعة,,
منيرة:أناو عمي صار لنا ساعة نحتريهم ,,دخل عليهم وليد:الشياب وشو يتحلطمون علية
خالد:متى أنت واخو انك بتجهزون
وليد:أنا جاهز تعالو اركبو معي ,والباقي يركبو مع عمار أو مع عمي مشاري .
في بيت أبو عبد العزيز:عبير:أنا ماني رايحة معكم
نوير:ليه تفوتي على نفسك الوناسة
أم عبدالعزيز:يلا يابنات طلال ينتظرنا برا ,لا يعصب
عبير:بعد هو اللي بيودينا مو السواق
نوير:يلا بلا دلع ,الحبيب تنازل وبيودينا بنفس
عبير:حلو ,علشان انتو تنبسطو وأنا آكل تهزيئ من قرقوش
نوير:هههههههه وحفظتي لقبة بعد,يلا صايرين مثل نور ومهند هي كلا تزعل وهو تحفي رجولة علشان يراضيها ,جابلك لابتوب وموبايل آخر موديل وبعد منتي راضية .
عبير:أصلا أنا مااعرف استخدمهم ,يعني مايلزموني , رجعيهم له ..يمكن يحتاجهم يصرخ في وجههم ويهزئهم .
نوير:أنتي الكلام ضايع معك ,وأنا اسلم لي بروح مع سواق عبدالعزيز ,,يلا سلام
في المصعد اجتمعو العنود وأماني وأريج ودخلت معهم نوير
أنا بروح معكم ,العنود:أنتي بالأساس معنا !
نوير:أمي تقول انو طلال ينتظرنا أنا وعبير وهي معانده ماتبي تروح ,وأخاف طلال يهاوشني
أماني:وليه يهاوشك
نوير:يعني ماتعرفونه يفش خلقة على اللي قدامه
عند المخرج...طلال:وين عبير عنكم
نوير:تعبانه ماتبي تروح
طلال:وشفيها
نوير:البارحة طول الليل وهي تبكي وماتكلم احد
طلال مشى عنهم وهم اركبو مع السواق
طلال دخل جناح نوير وطق باب الغرفة ودخل ..عبير ثانية رجولها وحاطه راسها على ركبيتيها وتبكي ..نوير لا تحاولين ماني رايحة يعني ماني رايحه ..أصلا انأ مو من عايلتكم علشان أرز وجهي في كل تجمعاتكم .
طلال:حط يده على راسها ..ارفعي راسك,أنتي تاج على رؤوسهم كلهم غصبآ عن اللي مايرضى.
عبير:أنت مين بأمره دخلت هنا ,,المكان له حرمته ولا أنت ناسي أني غريبة وما أحل عليك .حتى أختك اللي هي أختك ماتدخل عليها إلا بعد متأذن لك بالدخول.
طلال:أنتي ليه تكلميني كذا!!
عبير:وأنت ليه لاقي شخصيتي البارحة تصارخ علي ,لا تطلعين من الجناح أبد,واليوم روحي معنا المزرعة ..البنات كلهم لهم مطلق الحرية في تصرفاتهم إلا أنا .
طلال:حرام عليكي اللي أنتي تسوينه كل محاولت استعيد توازني ,تخربين علي تضيعيني ,تشتتيني .أنتي شنو تبين بالضبط!
عبير:أبيك تعاملني مثل متعامل نوير وبس لاأكثر ولا أقل ..صعبه هاذي .
طلال:وحبنا ؟!
عبير:أنت تكذب علي ولا على نفسك ,أنت تحب عبير بنت عمتك,وأنا بجي اليوم اللي بعرف فيه مين أنا..وقتها أنت ماتبغاني , وأنا مراح أرضى أعيش بشخصية ماهي شخصيتي ,شخصية مجبورة أللحين أعيشها لأني مالي خيار ثاني.مابي أتعلق فيك أكثر من كذا وبعدين أنصدم ,اللي فيني يكفيني يولد الناس ..خلنا أخوان أحسن .
طلال:اللي يريحك ..لكن بيجي اليوم اللي بتعرفين فيه أني أحبك أنتي ..وأن عبير ماضي محيته من أول يوم شفتك فيه
..أهلي كلهم اللحين في المزرعة وأنا بروح الشركة اذابغيتي شيء عندك الخدم ..سلام
عبير:لحظه ,أخاف اجلس بروحي ,ودني المزرعة .
طلال:طريق المزرعة غير طريق الشركة ياأختي
عبير:يعني قصدك أني بجلس هنا بروحي
طلال:مو هاذا قرارك ,تحملي نتيجة قراراتك ياأم شخصية مستقلة .
عبير:مو توك تقول أنك تحبني
طلال:وأنتي مو توك قلتي أننا أخوان ,أنا ما أودي خواتي
عبير:طيب السواق..
طلال:راح يودي البنات.
عبير:أمي من شوي قالت انك بتودينا شلي تغير!!
طلال:من شوي كنت بودي حبيبتي ,بس اللحين بأي صفة تبيني أوديكي ؟
عبير:شتبي توصله ؟
طلال:ولاشيء..الجوال اللي ارسلتة لكي فيه رقمي إذا احتجتي شيء ضروري اتصلي .سلام
طلع من الجناح وفي المصعد..التقى مع عبد العزيز....
عبدالعزيز:زين شفتك أبقاك في سالفة
طلال:ادري أني مقصر في الشغل بس وعد من اليوم ورايح ماتسمع إلا اللي يسرك
عبد العزيز:أن شاء الله ,بس مو هاذا الموضوع ,الموضوع يخص الغريبة
طلال:خير ,
عبدالعزيز:أن شاء الله خير,كلمني اليوم واحد ويقول انو خالها
واتفقت معه انو يجيب والدتها علشان تشوفها وتتعرف عليها
احتمال يجون بعد العشاء ,,,طلال فيك شيء
طلال:لأ بس تفاجئة شوي
عبدالعزيز:كذا أحسن ياخوي , وجودها في بيتنا غلط الناس مو ساكتين ,لازم نعرف مين هي ومين أهلها علشان نقدر نزوجكم لبعض
طلال:طيب أفرض أنهم ماطلعو أهلها
وقتها نكون سوينا اللي علينا ,وبعدين ليه أنت متشائم كذا ,تفاءل بالخير.
طلال:كيف نخبرها
عبدالعزيز:هاذي عليكم ..منت جاي المزرعة
طلال:بعد هاذا الخبر مايصير اتركها هنا بنلحقكم
عبدالعزيز:هي ماراحت ؟!
طلال:لأ,بس أللحين بوديها
في جناح نوير...عبير حاطه سماعات الجوال وتسمع ال fmوحاضنة صورة طلال ..!! يا حبيبي !!..
أنت الدنيا وكلشجوني وأغلى شي بعيـــــوني يا حبيبي .. يا حبيبي .. يا عمريوحيــاتي من لي غيرك أنت تاخذك الآهـــــاتي غالي مهما كنــت يا عمري .. أنت .. وكل حبي .. أنت .. أنت الدنيا وكل شجوني وأغلى شيبعيـــــوني يا حبيبي .. يا حبيبي ..
يا حبيب القلب وخله تستاهلعمري كلـه يا حبيبي .. يا حبيبي .. يا روحي وعيوني كل عمريفــداك أنت ضي عيـوني يكفي بس رضـاك يا عمري .. أنت .. وكل حبي .. أنت .. أنت الدنيا وكل شجوني واغلى شي بعيـــــوني يا حبيبي .. يا حبيبي ..
راحت عمري وأنت فقربي وقلبك ساكن قلبــــــــــي ياحبيبي .. يا حبيبي .. يا غالي يا غـالــي من لي غيرك أنت يا حلميوخيالــي مابي غيرك أنت يا عمري .. أنت .. وكل حبي .. أنت .. أنت الدنيا وكل شجوني واغلى شي بعيـــــوني يا حبيبي .. ياحبيبي
دخل طلال...عبير..عبير..رفع الغطا ..عبير..انقزت بقوة بسم الله ..شالت السماعات أنت بجد ماتستحي
طلال:رفع حواجبه أنا
عبير:ليه مااستئذنت قبل متدخل
طلال:أنا صارلي ساعة برا استنى الأذن ولما ما شفت رد خفت عليكي ودخلت وناديتك بس أنتي خبر خير
عبير:طيب شنو تبي
طلال:صورتي بحضنك أبيها
عبير:خذها أصلا أنا أبي أعطيك إياها
طلال:واضح , يلا قومي بدلي ملا بسك بوديك المزرعة
عبير:شنو غير رايك؟
طلال:كسرتي خاطري, يلا بسرعة المسافة بعيدة
عبير:جري على غرفة الملابس لبست عبايتها وطلعت وهي تسكرالزراير
طلال:بتروحين بالبيجامة
عبير:ايوا نوير تقول عندكم مسبح كبير وما احد يسبح إلا البزور
طلال:وأنتي من البزور !
عبير:ليه شنو شايف أنت أنا توي صغيرة
طلال:في هاذي صدقتي
عبير:يلا شيل الشنطه مرة ثقيلة علي
طلال:بسم الله ,متى جهزتيها
عبير:نوير مجهزتها لي من البارحة
في النعيرية وضحى تكلم أخوها بو محمد..يعني ربي استجاب دعائي وبشوف الريم ..
بو محمد :بإذن الله بكون عندك بعد ساعة وياليت أشوف ضاحي علشان أتفاهم معه
في المزرعة ...شيخه:حياكم الله أم عبدالعزيز:ليه مجت عبير معكم
أم عبدالعزيز:تعبانه شوي
شيخه:شنو فيها؟
أم عبدالعزيز:صداع بإذن الله لخفت بتجي
شيخه :وأنتي يام سالم وينها وصايف
آم سالم:تدرين الحامل كل يوم في حال ..كلو بهواهم
شيخه:الله يتتم عليها وتولد بالسلامة
البنات..أماني :الجو روعه خلونا نفرش لنا برا
عروب:بننكشف على الشباب مايصير
أماني:مامنكم فايده ,طيب مين بيطلع يتمشى معي
أريج:أنا ,يلا سرينا
نوف:وين عبير ما شفتها معكم
نوير:معها صداع ماجت معنا
في السيارة:عبير..سيارتك هاذي هاذا حدها في السرعة
طلال:لأ,ليه مستعجلة
عبير:ماني مستعجلة ,بس أحب أن السيارة تطير بي
طلال:حط رجله ..على أقصى حد للسرعة ..تبين كذا
عبير:واااااااااو ونـــــــاسة
طلال:انبسط كثير..طلال من هواة السرعة الجنونية والتطعس والتفحيط ..بس من ماتت حبيبته وهو ناسي كل هواياته ..وباين انو عبير بتحييها مرة ثانية .
طلال:وهو متردد..عبير بقولك شيء
عبير:أنت خايف من السرعة ,قول مراح اضحك عليك
طلال:ههههههه أنا اعشق السرعة ,بس حبيت أسألك ,,لو دخلت عليكي حرمة وقالت أنا أمك ..شنو بتسوين؟
عبير:ماأدري؟؟ بس يوم عمتك أحضنتني وقالت أنها أمي ماحسيت إلا بخوف ,,مدري بحس بأمي الحقيقية ولا بخاف
طلال:في نفسو مراح أقولها خلها تنبسط مع ربعها وبالليل الله يقدم اللي فيه الخير .
دخل طلال المزرعة ..عبير:وااااااااو هاذي جنة انااكيد احلم
طلال:عبير انتبهي لنفسك
عبير:أنت مو نازل معي
طلال:لأ,عندي شغل
عبير:لأ,انامن غيرك أحس بغربة ,,رجعني البيت
طلال:آآآه منك وتقولي أخوان ,يلا بنزل معك فوضت أمري لله
دخلت عبير وسلمت الحريم أم عبدالعزيز..شلونك اللحين يابنتي ...
عبير:تمام لاتخافين علي ...وين البنات؟
شيخه:دخلي لهم هناك ,وأشرت على مدخل مجلس البنات
دخلت عبير على البنات هاي يابنات كيفكم
البنات هايات نوير:حلو انك جيتي الجو مرة روعة
عبير:ايوا واضح محبوسين في هاذي الغرفة وتقولين الجو روعه
عروب :ودنا نفرش برا بس الشباب يشوفنا
عبير:في الشارع عادي تكشفون وفي البيوت تخافون ,ومع ذالك خذو هاذا اللي تغطون به اللي كانوا شراع معكم ..ويلا أنا بطلع افرش ..جيبو القهوة معكم
نوير:والله ماعندها وقت
أماني :أحسن انتوماينفع معكم الاكذا
جلسو كل البنات على الزرع سوالف وضحك..فجئه صرخت عبيروااااااااااو خيول
نوف:بسم الله شنو الغريب في الموضوع كل المزارع فيها خيول صرعتينا
عبير:أبي أركب على خيله شقرا
العنود:مسحييييييييييييييييل الاهاذي لاتحلمين بها
عبير:ماعندي مستحيل
نوير:وأنا اشهد
عبير:مين اللي واقف هناك جنب الخيل
نوف:هاذا سلطان ولد عمتي شيخه
عبير:ههههه يعني اخوي المؤقت أكيد أمون علية ,,وقامت تمشي
نوير:عبير بلا جنان أرجعي
عبير:وهي تكمل طريقها عيشو معي الجنان كم دقيقة
سلطان طلع من الإسطبل ولما شاف اللي قدامه نقز من الروعه بسم الله ..بسم الله ..
عبير:لاتخاف أنا الغريبة
سلطان:قالو شبهها مو هي
عبير:امممم معليش تركبني الحصان ,بليز لاتقول لأ خاطري اركب.
سلطان:تعرفين تركبين
عبير:لأ,أول مره بس أبي اركب
سلطان:يلا تعالي ..مسك ايديها وساعدها على الكوب
عبير على ظهر الحصان مستانسة مرررة..
سلطان وهو ماسك الحصان ويتمشى :تشبهين المرحومة كثير
عبير:كلن يقول كذا
سلطان:بس أطباعك تختلف عن أطباعها
عبير:غريبه يقولون حتى في حركاتها واطباعها أشبه لها
سلطان:لأ,اسمحي لي أنتي جريئة وما تخفين وشكلك تحبين المغامرة ..لكن هي خجولة وخوافة ..اذكر مررررة حاولت معها بكل الطرق أبيها تركب الخيل وهي ترفض ركبو عيالي خالد وفهد كانو صغار وقتها وركب أسامة وركبت سارة بس هي مالقيناها إلا بحضن أمي خايفة.
عند البنات أريج:يابختها ياليت أبوي يرضى
نوير:علشان أمي تصارخ علينا ..البنات مايركبون خيول يضرهم بس المتزوجات
أماني :وإذا تزوجنا بيقولون لنا رجالنا استحي على وجهك يامرأة هاذا للبزارين
نوف:أنا لو يعطوني مليون ويقولون اركبي مااركب
عروب:لأنو مو حاصلك ههههههههه
عند الحريم ...سميرة أسحبت لطيفة زوجت سلطان تعالي شوفي زوجك مع مين يتمشى
لطيفة:هاذي الغريبة؟!
سميرة:ايوا الغريبة مو أخته ,شوفي كيف يضحك ويسولف
لطيفة:جن هاذا؟هاذي كبر عياله
عبير :خلية يسرع
سلطان :أخاف تطيحين
لما قربو من مكان الرجال لمحهم عماد ,,طلال:أي عورت جنبي
عماد:شوف هناك مين اللي على ظهر الحصان
طلال:لأ هاذي تمادت كثير
سلطان يتجهز للركوب محس إلا بيد تبعده بقوة عن الحصان
طلال:لو سمحت يولد عمتي ..وركب هو الحصان ومشى به بسرعة
عبير :مسكينة مبسوطة ومتمسكة بظهر ه بقوة وما تدري باللي ينتظرها من طلال الثاير
وصلو اللين نهاية المزرعة عند السور ..نزل طلال ونزلها بقوة
عبير:آه بشويش عورتني ماكملت جملتها إلا حسة بذاك الكف وتمت تناظر في طلال أنت وحش وانهالت الدموع
طلال:وأنتي ماتستحين...منو سلطان اللي ضحكك معه واصل لأخر المزرعة ..مين هو اللي بكل بساطة بيركب قدامك على الحصان ,,وين شخصيتك المستقلة اللي تقولي عنها ,,ولا شخصيتك علي أنا ,لاتبكين امسحي دموعك ,يمكن اليوم آخر يوم نشوف بعضنا فيه ,ماقصرتي ختمتيها بمسك .
عبير:شتقصد بآخر يوم ,مافهمت ..طلال لاتزعل مني أنا بس حبيت أركب الحصان .
طلال:ولية ماقلتي لي أنا أركبك مو الغريب
عبير:آسفة والله آخر مرررررررة معيدها ,,سامحني لا يصير قلبك حجر
طلال:خلينا نمشي للبيت
عبير:والمسبح
طلال:بعد لكي عين
عبير :تكفى ..تكفى حتى لو بس عشر دقايق
طلال:عساكي تذكريني بخير ,,يلا اركبي وخليكي مع نوير
في النعيرية...وضحى :الحمد لله على سلامتك يخوي
بو محمد:الله يسلمك ,,وينه بو ضاحي ؟
دخل بو ضاحي المجلس ...السلام عليكم
بو محمد:وعليكم السلام ,,بغيتك في موضوع
بو ضاحي :تفضل,
بو محمد:حصلنا الريم
بوضاحي:أنا كم مره قلت لكم لأحد يجيب طاريها أنا ماعندي بنت بهاذ الاسم
بومحمد:مالك حق تظلم البنت الريم أنت اللي مربيها ,شلون تشك بأخلاقها
بو ضاحي :لما رجال غريب يطلع من باب البيت متلطم شنو تسمية
بو محمد:البيت فيه 6بنات ليه الريم اللي شكيت فيها
بو ضاحي :هي الوحيدة اللي كانت في الحوش ومكان معها أحد.
وضحى:حرام عليك أنا كنت أنظف معها وبس دخلت أجيب المويا.ورجعت وشفتك تضربها
بو ضاحي :أكيد إذا أمها متغطي عليها من يغطي ..المهم أني
غسلت عاري بيدي حرقتها ورميتها للكلاب تنهشها
بومحمد:أنا بخلي البنت عندي اللين تطلع براءتها
وضحى:حتى أنا ودني معك
بوضاحي:إذا طلعتي برا البيت مالك مكان فيه
وضحى:البيت ما يسوى شيء من غير حس الريم
في المزرعة...شيخه:تو الناس بدري خلونا نسهر هنا
أم عبدالعزيز:اليوم بتجي حرمة علشان تتعرف على عبير إذا هي نفسها بنتها ولا لأ.
شيخه:عبير عندها خبر
أم عبد العزيز:لأ,لسى بعدنا ماخبرناها
شيخه:ممكن أحضر معكم
أم عبد العزيز:حياكي الله البيت بيتك في أي وقت
البنات فالينها وناسه في المسبح ,,منال :يلا يابنات بنسري
عبير:بدري
نوير:نكمل في مسبح بيتنا
العنود:أنا دخت ,وينك يالفراش
سجى :النوري ..عبير..جدتي تقول يلا بسرعة
نوير:من جيتي ياعبيروانا صايرة شخصية مهمة
عبير:واضح لا تصيحين من الفرح ,بس أنا بركب مع السواق
العنود بخبث مضبوط وعمتي نوير معي في سيارة خالي مشاري وطالعت نوير بنص عين
في سيارة مشاري ...مشاري يكلم متعب جوال..خير إن شاء الله على 9,00بكون في الكافي ,يعني أنت سوالفك متطلع إلا بخسا ير
في سيارة البنات المسجلة على أعلى صوت وهن بايعاتها رقص وتصفير وتصفيق
طلال:هاذول جنو وين قاعدين وكبس للسواق واشر له يوقف
نزل طلال من سيارته واتجه للبنات وعطاهم تهزيئة محترمة
في الليل في الكافي ...مشاري نوف أختي
متعب:شرايك...
مشاري:بس أنت ماتشتغل
متعب:بكره بإذن الله بستلم الشغل في شركة عمي
مشاري:بسألها وبردلك خبر ..والحين قفل على الموضوع أجا طارق.
طارق:السلام
الشباب :وعليكم السلام
طارق:دريتو وش صار لرائد.
متعب :خير وش فيه
طارق:أخته توفت في حادث من ثلاث أيام
مشاري:هو كان مهنا مقال
طارق:أهله مخبروه إلا اليوم
مشاري ومتعب :الله يرحمها ,لازم نروح نعزيه
طارق:هو بالأحسا اللجين
مشاري :بكرة لطلعنا من الدوام نروحله الحسا
في بيت بوعبدالعزيز
في المكتب ...عبد العزيز:طلال لازم ترح أللحين للرياض وتشوف موضوع المخازن قبل أبوي مايعرف ترى يروح فيها ..
طلال:خليها بكره
عبدالعزيز:لأ أللحين يلا قوم وإذا على موضوع الغريبة أنا بتصرف لا تخاف.
:::شيخه وأم عبد العزيز في جناح نوير...يتكلمون مع عبير..شيخه :ويمكن تكون ماهي أمك
عبير:كيف بعرف أنها أمي ولا لأ
أم عبد العزيز:أكيد بتحسين يابنتي
عبير:أنا خايفه
شيخه :لا تخافين حنا كلنا معك
ام عبدالعزيز:يابنتي سواء تكون أمك أو لأ,,مراح يتغير شيء بتبقين بنتي اللي أحبها وان شاء الله ترجعين للبيت وتنورينة وتكونين أم لأحفادي .
الشغالة بعد ما اسمحوا لها بالدخول :ماما هازا في هرمة برا يبغى أنتي ......
السلآم عليكم ورحمة الله وبركآته
آسف ع التأخير
بس وين ماني شايف ردود مع ان المشاهدات ما شاء الله كثيرة
بسم الله نبدأ:
البارت الســــــــادس:
الشغالة :ماما هازا في هرمة برا يبغى أنتي ......
أم عبد العزيز:دخلتيها غرفة الضيوف
الشغالة:yes ماما
شيخه:يدخلو نوير وعبير مع بعض واذاكانت الحرمة أم عبير بتعرفها
عبير:أنا خايفة
شيخه :لا تخافين كلنا معك ومنتي رخيصة لازم نتأكد أنهم أهلك .
طلال:وش صار في الموضوع
عبدالعزيز:للحين مصار شيء الرجال جالس معنا والحرمة عند الحريم داخل
طلال:تأكدت أنهم أهلها
عبد العزيز:لأ.لسى مجانا خبر من داخل ,أول منعرف شيء بخبرك لا تحاتي ,عماد معك
طلال:ايوا هو اللي يسوق
عبدالعزيز:طيب أول متوصلون طمنوني
طلال:إن شاءا لله وأنت بعد علمني بكل شيء,,سلام
في الأحساء...رائد:ليه ماقلتو لي إلا بعد ماخلص العزا
عائشة :أنا كل مرة اتصل يعطيني انو خارج عن التغطية
رائد:الشريحة احترقت وطلعت رقم ثاني
بو رائد:يعني الغلط منك ياولدي لو ماجد ولد عمك ماتصل على صاحبك وخبرة ولاكان أنت مدريت لليوم
رائد:ومنصور شنو أخباره
بورائد:تعور شوي وبكرة بيطلع من المستشفى
في الكافي مشاري :مدري تغريد ليه ماتردمن أمس وأنا أتصل عليها
طارق:أما أنا حبيبتي من ساعة تتصل واناكاشت فيها
متعب:غريبة وليه كاشت فيها حضرتك
طارق:كل مااقول لها أبي أشوفك ,,تقول استحي وأخاف ومنذ الكلام
مشاري:وأنت مصر تخربها ,يمكن تكون فعلا البنت مؤدبة ومو مثل باقي البنات
طارق:هي تقول أن عمرها 15س أبي أتأكد بس
مشاري :15س صغيرة حرام عليك
طارق:وأنا قايلن بآكلها بس بشوفها
متعب:الله يهديك ..اترك ذالخرابيط عنك وأعقل واترك بنات الناس ..قبل مايفوت الفوت وتندم
في مجلس الحريم....شيخه وأم عبد العزيز ووضحى كانو جالسين دخلو عليهم سارة وعبير ونوير ..بدؤ البنات في السلام على وضحى وعبير صاير قلبها يدق بقوة ومرة مرتبكة وكذالك الحال عند وضحى ..بس الغريب انو وضحى ردت فعلها بشوفت عبير جدا عادية ولا بعد ..بعد مجلسو البنات,, وضحى: وينها الجازي ليه مادخلت معهم ..
عبير:لما سمعت كلامها قامت بسرعة وطلعت عنهم ولحقت بها نوير
شيخه:الله يصبر قلبك ياوضحى وتغر عيونك بشوفت بنتك
أم عبدالعزيز:آمين يارب ..سامحينا ياوضحى مو بنتك اللي عندنا
وضحى :وهي تبكي ,البنت اللي قامت مساع هي اللي تقصدونها
شيخه:ايوا
وضحى:الله يجمعها بأهلها يارب..والله مادري ليتكم ملمحين لي أحسها نجرحت في مشاعرها
شيخه:كل شيء بيتصلح بإذن الله
وضحى وباين عليها الحزن والضيق :ماقصرتو يلا مع السلامه
أم عبدالعزيز:لأ,مايصير لازم تتعشي معنا
وضحى:مقدر يااختي مرة ثانية أحس آني مرة تعبانه
شيخه:أمنتك بالله لما تتوصلي للبنتك تبشرينا
وضحى:أن شاء الله
عند الرجال...بو محمد..يلا أنا أستأذن
عبد العزيز:ماقمنا بواجبك
بو محمد :واجبكم وصل يكفيني شوفتكم ومعرفتي بكم
بو عبد العزيز:الزيارة هاذي مو محسوبة أوعدنا بجيه ثانية
بو محمد:إن شاء الله يلا فمان الله
عند البنات في غرفة نوير ...عبير:الله يخليكي خليني بروحي ما بي أتكلم ومابي اسمع شيءابقى اجلس لحالي شوي
نوير:براحتك لبقيتي شيء أنا في جناح عبد العزيز
في السيارة...وضحى وهي تبكي :مو بنتي مو بنتي ..وينك يالجازي وين مكانك ..ياترى عايشة ولا ميتة
بو محمد:اذكري الله ياوضحى ,البنت لو أنها لسمح الله ميته كنا خذنا خبر الدنيا ماهي فوضى .
في جناح عبد العزيز ...بغرفة البنات سجى :وشفيكي اليوم من الصبح وأنتي عاقدة النونة
ندى :طارق اليوم مارد على مكالماتي ولا المسجات ,خايفه يكون فية شيئ
سجى:هاذي حركات الثقل يا مطيورة, أثقلي أنتي يومين وشرط تلاقيه يدورك بكل مكان حتى يمكنه يجي عند بيتنا
ندى:هاذي العنود ثقلت وما حصلت إلا رجال سافر عنها وخلاها تحترق مكانها لانفعها ثقلها ولا تغليها
سجى:ههههه أنتي لو شاييفته اليوم في المزرعة كيف يتحوس ويسرق النظر علشان بس يلمحها ,كان ماقلتي هالكلام
ندى :متى صار كل هاذا
سجى لماكانو البنات فارشين برا كان هو واقف في الصالة الزجاجية اللي فوق ويناظر للعنود بلهفة وشوق
ندى:كيف شفتيه والزجاج عاكس ؟
سجى:كنت مع ريوف فوق وشفناه ولما سألناه شنو يسوي ,ارتبك ومشى عنا ولما ناظرت من فوق شفت العنود في الجهة المقابلة للصالة جالسة تسولف وتضحك مع البنات وماهية حاسة باللي يراقبها
دخلو العنود ونوير عند سجى وندى ..سجى:يامرحبا يامرحبا العروس وعمتها عندنا .
العنود:شتقصدين بالعروس؟!
سجى:اقصد العنود عروسة أسامه
نوير:شنو صاير من وراي أعتر فو
سجى:ولاشيء .
العنود:تكلمي بسرعة واتركي عنك أسلوبك اللي ينرفز
سجى :اليوم وأنتو فارشين برا........... وحكت لها اللي صار
رن جوال نوير ...........هاذا رقم طلال..الو
طلال:هلا نوير عبير جنبك
نوير:لأ,بعد اللي صار في المجلس صعدت وهي متضايقة ولما دخلت عليها الغرفة طلبت مني أني أخليها بروحها
طلال:نوير ابغاكي كل شوي تطمني عليها وإذا صار أي شيء كلميني
نوير:طيب
مشاري:أم وليد أبغى أكلمك في موضوع يخص نوف
منيرة:خير إن شاء الله
مشاري :صديقي متعب ال...طلبها للزواج
منيرة :عايلته والنعم فيها وأمه صاحبة أختك مريم ,بس الولد مادري عنه
مشاري:الولد صديقي واعرفه زين وهو يشتغل في شركة عمه
منيرة :بكلم مريم وبعدهاناخذ راي نوف والله يقدم اللي في الخير والصلاح.وأنت متى بتتزوج
مشاري:قريب بتسمعي اللي يسرك
منيرة:الله يوفقكم
الساعة 2,00ليلا دخلت مريم الجناح :خير عبد العزيز ليه سهران .
عبد العزيز:وين كنتي تأخرتي
مريم :أنا كنت في زواج ناصرال...اللي بنتك العنود رفضته
عبد العزيز:كلن ياخذ نصيبه
مريم:شنو صار مع الغريبه
عبدالعزيز:ماطلعو أهلها والرجال تكدر كثير
مريم :الله يكون في عون الجميع ,وهاذا اللي مضايقك ؟
عبدالعزيز:اللي مضايقني المخازن اللي في الرياض انسرقت
مريم:وليه مرحت للرياض؟
عبدالعزيز:طلال وعماد هم المسؤلين ,طلال:يقول أنهم بلغو الشرطة
مريم:الحمد لله بإذن الله الشرطة بتحل الموضوع
عبدالعزيز:في شركات سلمونا الفلوس والمفروض الشحنة توصلهم بكره ,أخاف اللي بقى في المخازن ما يغطي الكميه المطلوبة ونخسر ثقة زباينا
مريم:تفاءل بالخير ودام طلال دخل في الموضوع بتنحل
عبدالعزيز:طلال تغير مو الأولي أخاف ميقدر يتصرف
مريم :خلنا ننام أللحين وبكره إذا ماانحلت المشكلة روح لهم بنفسك .
عبدالعزيز:على رايك
طلال لما يئس من كثر مايتصل على عبير وهي ماترد..أرسل لها مسج ..حبيبتي ادري بظرفك الصعب واني المفروض أكون جنبك بس صارلي ظرف أصعب ..لاتزعلين مني بكرة بوضح لك كل شيء ...
وأرسل مسج ثاني لعبد العزيز:أبشرك يخوي أنحلة المشكلة وبكرة بنكون في الخبر ..وحط راسه على المخدة ونام
عبدالعزيز:اللهم اجعله خير وفتح المسج واستانس
مريم:خير ليه الضحكة شاقة وجهك
عبدالعزيز:طلال حل المشكلة وبكرة بيكون في الخبر ,أللحين الواحد ينام وهو مرتاح باله
الساعة 2,00 الظهر في الخبر...متعب يكلم مشاري :نروح كلنا في سيارة وحده أفضل
مشاري:خلاص أجل بس أروح البيت أبدل ملابسي ومر علي هناك.
متعب:عز الطلب يغالي والطلب رخيص
مشاري:ههههههه العروس مو في بيتنا
متعب:ليه وين راحت فيه
مشاري:هي هي لسا البنت ماتدري بخطبتك لها وأنت بديت تتحكم في تصرفاتها ,شلون لوصارت على ذمتك.
متعب :لصارت على ذمتي بخليها 3شهور متشوف غيري
مشاري:والله الثقة الزايده في النفس مشكله ,ياخي واثق أنها بتوافق عليك.
متعب:وين بتحصل أحسن مني مال وجمال وأخلاق أحم أحم
مشاري طمنتني الحمد لله يعني لو رفضتك عادي ماتتأثر وتزعل
متعب:ليه هي رفضتني ؟
مشاري:شفيك خفت وتخر بطة علومك
متعب:مشاري بجد صارحني رفضتني ؟
مشاري:أقولك البنت لسا مخذت خبر بالموضوع تقول رفضتك ,جمع ياخي ورانا طريق
متعب:طيحت قلبي ياخي ,يلا أنا وصلت البيت أبدل ملابسي وبعدها أمر عليك
مشاري:لاتنسى طارق
متعب:اووووه تلاقيه نايم الله يعيني أصحية
طارق يكلم سجى:حبيبتي مايصير سرقتي تفكيري وخيالي دوم اهوجس بك كل اللي أبية بس المحك لو لمحه بسيطة علشان لما أتخيلك أتخيلك صح
سجى:ياربي أنت ليه مستعجل كذا ,كل شيء في وقته حلو
طارق:أنا كل اللي أبيه شوفتك لو من بعيد وبس مبي غير كذا
سجى:طيب اليوم نلتقي في زيزون على الساعة 6,00 المساء يناسبك هذا الوقت
طارق:اليوم اليوم
سجى:مايناسبك
طارق:يناسبني ونص اترك الدنيا كلها علشانك
سجى:طيب يلا أخليك ينادوني على الغدا
طارق:جعله مداخيل الهنا يارب,, وأنا بعد عندي خط ثاني نلتقي المساء على الموعد باي.
سجى :بايات,,وراحت عند البنات وهي مبسوطة
متعب:ساعة انتظار يالظالم
طارق:وشو أسوي إذا البنات مايقدرو يستغنو عني مو ذنبي أني ساحرهم
متعب:طيب ياساحر,جهزت ولابعد
طارق:لأ,روحو انتو وسلملي على رائد وعزه نيابه عني
متعب:خير يرجل الأعمال وشو عندك من مشاغل
طارق:اليوم عندي أحلى موعد ومافيني ااجله أنا مصدقت أنها توافق ,أخاف إذا أجلته تهون البنت وتطير من أيدي
متعب:الله يصلحك مدري وش نهايتك ,,مااقول غير الله يهديك ويفك بنات الناس من شرك .
في بيت بو عبد العزيز: على طاولة الطعام كانو جالسين أم عبد العزيز وبو عبدالعزيز وعبد العزيز ومريم ......
دخل طلال صالة الطعام ..السلام عليكم
الكل :وعليكم السلام ورحمة الله وبركاته
الأم:هلا بوليدي تغدا معنا
طلال:فيه العافية أنا تغديت في الطريق
بو عبدالعزيز:ليه أنت وين كنت فيه؟
طلال:كنت في الرياض
بوعبدالعزيز:فيه مشكله
طلال:لأ,الحمد لله وصلنا البضاعة لأبو انس وبو ماجد طالب بضاعة أكثر من اللي عندنا ووعدته أني اامن له الكميه بعد أسبوعين بعد متوصل الشحنة الجديدة .
بوعبدالعزيز:عساكم على القوة ,هذا العشم فيكم يعيالي
طلال:وين البنات
مريم:يتغدن في الصالة اللي فوق عندهم نوف
طلال:طيب ,أنا بروح أنام
عبد العزيز:طلال ابغاك شوي خلنا نروح للمكتب
في المكتب...عبدالعزيز:فهمني شنو سويت
طلال:سلامتك بس أول مقلت لي عن الخبر كلمت واحد من الربع في الداخلية وشرحت له السالفة وبعد ساعتين كلمني وقال أنهم مسكو سواق شاحنه ماعنده إقامة و الشاحنة مليانه أجهزت كمبيوتر نفس النوعية اللي عندنا وبعد محققو معه طلع الرجال سارقهم ومتفق مع راجو اللي يشتغل عندنا والشرطة قامو باللازم
عبدالعزيز:طيب ليه تأخرتو ماجيتو من الصبح
طلال:كانت عندي شغله خاصة بعد مخلصتها جينا
عبد العزيز:الله يعطيك العافية
عند البنات..العنود:خالتي نوف أمي تبغاكي في جناحنا
نوير:عبير ليه متآكلين
عبير:مالي نفس بقوم أنام
نوير :أجي معك
عبير:ياليت
ندى:سجى بتروحين اليوم
سجى:ايوا وأنتي وريوف بتروحون معي
ندى:وين نروح معك
سجى:ايوا انتم على طاولة وأنا وهو على طاوله بس شوي وعد
ندى:الله يستر بس مو تقولين بنروح مكان ثاني اناوياه ترى والله نتركك
دخل طلال كيفكم بنات
سجى:ارتبكت ها شنو
ندى:الحمد لله ياعمي بخير
طلال:سجى وشفيكي
سجى:ها مافي شيء وتركتهم وراحت
طلال:وش فيها هاذي
ندى:مدري عنها
طلال:وين عمتك نوير
ندى:مع عمتي عبير في الجناح بينامون
في الأحساء .... منصور يتجهز للخروج من المستشفى دخل عليه رائد:السلام عليكم
منصور:وعليكم السلام ورحمة الله وبركاته
رائد:عظم الله أجرك
منصور:أجرنا وأجرك يخوي
رائد:شلي صار بالضبط
منصور:آآآآآه على اللي صار كل شيء صار بغمضة عين
وحنا راجعين من الكويت المرحومة أصرت أنها تسوق السيارة في بر النعيريه ,وشدها الحماس وبدت تزيد في السرعة قا بلنا طعس فجئه ومقدرنا نتدارك الوضع وصار اللي صار ..
رائد:الله يرحمك يااميرة طول عمرك تحبين التفحيط والتطعس والدجه وهاذي النتيجة ,بس حتى أنت يامنصورغلطان كثير مكان المفروض تتركها تسرع بجنون
منصور:كل شيء مكتوب يارائد يعني أنا لو كنت عارف أن كل هاذ بيصير مكنت سمحت لها بالسواقة من أصلوه
الساعة 6,00 المغرب...متعب:مين ساكن في هاذي المزرعة الكبيرة
مشاري:الخدم هههه
متعب:أتكلم جد
مشاري وأنا بعد أكلمك جد ,بس بعد وليد ولد اخوي يسكن هنا لما تبتدي الدراسة في الجامعة
متعب :لحاله
مشاري:كان معه كمن واحد بس السنة الجايه بيدخلون كمن بنت من العيله الجامعة وبيسكنون هنا ,يلا تأخرنا على رائد
متعب:تدل بيتهم
مشاري:لأ بس نكلمه ويوصف لنا البيت
في الخبر..في زيزون..طارق كان جالس على الطاولة وينتظر بلهفه دخول سجى
في بيت بو محمد...أم محمد يا وضحى ميصير اللي أنتي تسوينه بنفسك لازم تأكلين من البارحة ماطب في حلقك شيء
وضحى أكيد ذبحها أكيد ذبحها ,,هو قايل انه ذبحها ورماها في البر .أنا أبي أموت معها .
أم محمد:الله يهديكي بس ويجمعك بالجازي قريب.
في النعيرية..بو ضاحي :خلي بناتس يتجهزون بكره بيجون الجماعة يخطبونهن
غزيل:على أمرك اللي تشوفه
في جناح نوير ..نوير تجلس عبير من النوم ..عبير عبير عبير عبير لكن عبير ماترد وماهي حاسه بشيء ..طلعت نوير من الجناح وهي مرعوبة وخايفه.. طلال ..أمي لحقو علي .
ايش راح يصير بين طارق وسجى ,,,شنو صار لعبير معقولة تكون ماتت,,عفراء بتوافق على اللي بيخطبها
العرض العادي
