السلآم عليكم ورحمة الله وبركآته
أعذروني على التأخير اخوآني وأخوآتي مآ أبي أطول عليكم
أليكم البآرت الأخير :

نجلاء:يعني هاذا بيتنا بنعيش هنا مو في بيت اهلك .
بندر:ايوا بالضبط مثل متفضلتي.
نجلاء:ليه غيرت رايك ؟!
بندر:كنت غشيم احسب إني بستغني عنك وبكتفي بالخميس والجمعة مدريت انك بتحتلين قلبي وعقلي ومقدر أفارقك ولا لحظة .
نجلاء:والجامعة كيف بكمل دراستي.
بندر:بسيطة انقل ملفك للجامعة اللي هنا وكملي دراستك.
نجلاء:وناسة ومتى بنروح للنعيرية
بندر:امداكي مليتي مني
نجلاء:لأ,بس اشتقت لأهلي
بندر:بكرة بنروح ,بس صارت أحداث كثيرة بقولك عليها .
نجلاء:وش أحداثة ,تكلم أهلي فيهم شيء؟
بندر:أول شيء أبي وعد وعهد منك انك تسامحيني وتقدرين موقفي أنا مخبيت عنكي إلا لأني احبك وخايف على علاقتنا لتنتهي قبل البداية..
نجلاء:خوفتني قول تكلم
بندر:بدر طلق عفراء من يوم الصباحية ,وأمي أطلبت مني إني أطلقك بس أنا رفضت ....وأبوكي طلق أمك ...وأمك جتها جلطة خفيفة بس الحمد لله عدت على خير ..واللحين أمك وخواتك في بيت جدك ...وابوكي اختفى مافي أي خبر عنه ..
نجلاء:كل هاذا صار بأهلي وأنت ساكت خليتني أذوق العسل في الوقت اللي هم يتجرعون المر ..كيف أسامحك أنت استغفلتني أنت أناني...وديني أللحين لأهلي .
بندر:أنتي وعدتيني انك متزعلين وتفهمين دوافعي .
نجلاء:أنا ماني غبيه ليه مقلت لي ,,مثل ماانت وقفت بوجه أمك علشاني ,أنا بعد كنت بوقف بوجه أمي لحاولت تفرقنا ,,ليه حرمتني من الوقوف معهم في محنتهم وشو قالو عني ..كيف بحط عيني بعيونهم.

في المستشفى....ربكه ودوشه ممرضات طالعين وممرضات داخلين ,,,,دكتور داخل ودكتور طالع..
الدكتور فهد..متعرفتو على البنات
الدكتور:محمود لأ,والمريزة في حاله حرجه ولازم ننزل الجنين فورا ..
الدكتور فهد..السواق أكيد اللحين صحى بروح اسأله

في المزرعة........
طلال:جوال عبير بعد مغفل
فيصل:أنا مو متطمن نوير تقول لهم ثلاث ساعات من راحو
عماد:الله يستر حتى السواق جوالة مغفل
رن جوال عبدالعزيز
عبد العزيز:الو
الدكتور:أنت عبدالعزيزال....
عبدالعزيز:وصلت خير
الكل ناظر لعبدالعزيز...عبدالعزيز:خلاص دقايق ونكون في المستشفى ......
طلال وفيصل :عبدالعزيز البنات صاير فيهم شيء
عبدالعزيز:صار لهم حادث واللحين هم في مستشفى سعد.
في السيارة طلال وفيصل أسرع ياعماد أسرع..

في المستشفى.........
عبير في غيبوبة ومو حاسه بالدنيا وطلال جالس جنبها ...
عبير لتتركيني ,,,ليه القدر معاندنا كل مقلنا بسنا فراق تجد جدايد تفرقنا .....
عند غرفة العناية المركزة ...فيصل وبو سالم وسالم وعبدالعزيز وبو عبدالعزيز ..واقفين في غرفة الأنتضار ...
طلعت ممرضة من العناية تلقاها فيصل :
الهنوف بخير
الممرضة:هازا هرمه في موت
اختل توازن فيصل والدنيا سوده بعيونه ..مسكه عبدالعزيز اللي نزلت دموعه ومو عارف كيف يواس ولد عمة أو كيف يساند أبوه..اللي بعد انهار...
فيصل :وهو يبكي وبصوت يقطع القلب الهنوف ,الهنوف , الهنوف
ليه تركتيني ..نسيتي وعودك قلتي بنعيش مع بعض طول العمر قلتي بنموت سوا بنتقاسم أعمارنا ..آآآآآآآآهه يغدر الزمن ,كيف أعيش بدونك ,,كيف أتنفس هوا غير هواكي .
عبدالعزيز:أذكر الله وش خليت للحريم
فيصل:شيخة الحريم راحت راحت وتركتني جسد بلا روح ,,مابي عيال مابي غيرها رجعوها لي رجعوها ...
الدكتور محمود طلع من العناية رقم 2,فين أهل المريزه اللي عملت الحادس ؟
عبدالعزيز:الهنوف
الدكتور:ايوا
عبدالعزيز:أنا أخوها وهاذاك زوجها ,أشر على فيصل
الدكتور:ليه العياط ده كلو انتو لساتكم بأول عمركم والجنين بيتعوز بإذن الله ..
عبدالعزيز:يعني اللي مات الجنين مو الهنوف
الدكتور:مين اال انو المريزه ماتت !
فيصل:الممرضة هي اللي قالت
الدكتور :أية ممرضة كل الممرضات جوا مع المريزة
فيصل:من شوي طلعت ممرضة وقالت لنا الخبر
الدكتور:خش جوا واتاكد بنفسك من مراتك..

الساعة 4,00 الفجر..........عبير صحت من الغيبوبة ..فتحت عيونها بشويش شافت ملامح غمضت عيونها وفتحتهم مرة ثانية ..سيستر سيستر..
الممرضة:الحمد لله على سلامتك
عبير:أنا وين؟
الممرضة:أنتي بالمستشفى صار لك حادث وجبوكي هنا .دخلتي في غيبوبة ..
عبير:أهلي عندهم خبر
الممرضة:الأستاز كان عندك طول الوقت ليسا من دقيقتين روح ..
عبير:ومنصور شصار علية
الممرضة:مبعرف..
عبير تفكر اللي كنت أحلم به حلم ولا واقع ..كم صار لي نايمه يربي.
الدكتور المناوب..دخل الغرفة..السلام عليكم
عبير:وعليكم السلام
الدكتور:كيف حالك أللحين تحسين بألم
عبير:أحس بصداع فضيع ,وفكري مشتت ودي أكلم أمي واتطمن على ولدي .
الدكتور:خذي جوالي وكلميهم
عبير:مشكور

في الأحساء.....
عائشة:خلصت صلاة الفجر وراحت لغرفة أمها علشان تصحيها للصلاة..
أم رائد: يربي يخالد ليه تبكي ..
دخلت عائشة بعد مطرقة الباب .خلودي حبيبي ليه تصيح ....
أم رائد :من البارحة منام كويس كله حلوم وصياح ..
عائشة:طيب ياامي أنا بأخذه معي وأنتي بعد متصلين نامي ..نزلت للصالة وبيدها خالد..رن التلفون ..ترددت وترددت توها بترفع السماعة انقطع الخط .
عبير:هاذي ثالث مره اتصل وميردون بحاول لآخر مرة
عائشة:توها بتصعد للدرج ..سمعت التلفون ..رجعت وردت :الو
عبير:عيوش,وهي تبكي أخيرا رديتو
عائشة:منصدمة وبذهول أميرة
عبير:خلودي ليه يبكي خليني أكلمه
عائشة:مممين انننننتي
عبير:أنا أميرة وشبلاك نسيتي صوتي يادبه
عائشة:أميرة ماتت ,مين أنتي ؟!
أميرة:عيوش ,لتشتتين تفكيري وبلاه مزحك اللحين لتوطئ ببطنك.
عائشة:أنتي اميروة بس مين اللي ماتت
أميرة:الممرضة تقول أني كنت في غيبوبة بعد الحادث اللي صار لي ,وسألتها عن منصور قالت متدري عنه بتروح تسأل الاستعلامات .
عيوش خليني أكلم خلودي .
عائشة:كلميه ,وأنا بكلم رائد يجيلك المستشفى ومنصوروه لتفكرين فيه هو طلع من المستشفى من زمان .
عبير:ليه تتكلمين عن منصور كذا ؟!
عائشة:بعدين أقولك,, خذي كلمي ولدك

عائشة دقت على رائد...
رائد استغرب اتصالها بهاذ الوقت ....رد وهو خايف: الو ,عيوش فيكم شيء ؟!
عائشة:مصيبة يارائد,منصور غشنا ,خدعنا ..اللي ماتت ودفناها ماهي أميرة ..أميرة كلمتني اللحين وتقول أنها كانت في غيبوبة من وقت الحادث وتوها صحيت.
رائد:أنتي شتقولين ..حبيبتي تعوذي من الشيطان وروحي كملي نومك ,أميرة الله يرحمها..وأنتي تحلمي .
عائشة:لأ,مو حلم أنا متأكدة أنت روح لها بمستشفى سعد وتأكد بنفسك ,لحظة بسألها عن رقم الغرفة ..........

في الغرفة الثانية صحت الهنوف ...وشافت فيصل ماسك يدها ومسند راسه على الكنبة ونايم ..
الهنوف قامت تبكي ...حس فيها فيصل وقرب منها جلس على السرير جنبها حياتي ليه تبكين يألمك شيء ..
الهنوف:أنا السبب حرمتك من ولدك ..
فيصل:ياعمري أنتي تغنيني عن كل العالم ,الطفل يجي غيرة بس أنتي لرحتي مالك عوض ...
رائد وصل للمستشفى وهو فكرة مشتت ...وقفه حارس الأمن:لو سمحت هاذا مو وقت زيارة .
رائد:آسف يخوي....تذكر انو فارس ولد عمه دكتور بنفس المستشفى وأكيد بيساعده ..
فارس:الو
رائد:السلام يولد العم
فارس:وعليكم السلام
رائد:آسف ادري الوقت مو مناسب بس أنا في مصيبة وأتمنى انك تساعدني .
فارس:عادي يولد عمي أصلا أنا اليوم مناوب وطفشان ,قولي عسى ماشر..
رائد:مدري هو خير ولا شر بقولك...........
فارس:طيب أنت اللحين عند الاستقبال..
رائد:ايوا
فارس:يلا أنا جايك ...

فارس: أنت متأكد انو هاذا رقم الغرفة ..
رائد:أيوا هاذا الرقم اللي عطتني إياه عائشة
فارس:أنت تعرف هاذا الجناح من بأسمه
رائد:لأ
فارس:هذا الجناح بأسم طلال ال.....,تعرف يعني شنو طلال ال.....
رائد:على طول تذكر كلام رائد عن زوجة طلال اللي تشبه أميرة ,,
فارس خلنا ندخل .
فارس :لأ فيها مسؤليه علي أنا بدخل أللحالي وكأني بشخص الحالة وإذا شفت أنها أميرة ناديتك وإذا لأ..ميصير شك في الموضوع.
أميرة مسندة راسها على الوسادة وتفكر في حالها وفي اللي صار معها حقيقة ولا خيال ..قطع عليها التفكير صوت الباب ....تفضل
دخل فارس..اللسسلام
أميرة:ههههههه شفيك يولد عمي تلعثمت ,وأخذت الغطا وغطت وجهها ............بعد ايش خعخعخعخعخخ..
المهم..فارس:أميرة أنتي من متى وأنتي هنا ؟
أميرة:مدري !!؟
فارس:لحظة بنادي رائد
رائد:حده متوتر سمع فارس يناديه وراح له ..بشر ؟
فارس:هي أميرة وبس دخلت عرفتني ,أنت أدخل لها وأنا بروح أشوف الدكتور المسؤل عن علاجها وبستفسر منه ..
دخل رائد للغرفة المليانه بالورود وشاف أخته
أميرة :وهي تبكي الله ليحرمني منك يخوي ,قالت لي الممرضة انك طول الليل جنبي ومتركتني ولا لحظة ..
رائد:تلعثم معرف وشو يقول بس مشاها ,شدعوة مسوينا شيء ,طمنيني عليكي عساكي بخير .
الدكتورة نجوى:هيا كانت فاقده للذاكرة وأنا كنت اشرف على حالتها أول بأول ..دكتور فارس صار شيء للمدام عبير ..
الدكتور فارس:اللي تقولين عنها عبير أسمها أميرة وهي بنت عمي واليوم استرجعت ذاكرتها .بس يبدو أنها ناسيه الحياة اللي عاشتها وهي فاقده للذاكرة ..
الدكتورة:الحمد لله على سلامتها ,أما موضوع نسيانها للحياة اللي عاشتها وهي فاقدة للذاكرة هاذا مستحيل ,بس هي في البداية تحس بتشتت الأفكار والمواقف بس بعد فترة بيرجع كل شيء لطبيعته وبتتذكر الأحداث اللي عاشتها قبل وأثناء فقدانها للذاكرة .
الدكتور فارس:طيب ليه الجناح اللي هي فيه بأسم طلال ال......
الدكتورة نجوى:لأنو زوجها ,طلع فارس من غرفة الدكتورة وهو مصدوم زوجت طلال !!!!!!!!!

الساعة 2,00 الظهر ..في الأحســـــــاء..
عائشة:أمي ...أبوي......بقولكم خبر يفرحكم قوو أعصابكم
أم رائد:ملكتك في هال يومين
عائشة:آمين ،بس الخبر يفرح أكثر
أمي أجلسي جنب أبوي أنا مفيني حيل أسندك لطحتي من الفرح
بو رائد:حتى أنا مفيني حيل أمك سمنانه أخاف تمصعني .
أم رائد:اخلصي علينا وشو الخبر
عائشة:أميرة عايشة ,مماتت
أم رائد نزلت دموعها ,أنتي ماعندك مشاعر هاذي مواضيع تمزحين فيها ,,تحسبين موتها شيء سهل أنا لليوم أتألم ونطعن ..
وأنتي بكل برود تتمسخرين .
عائشة:أنا أتكلم جد ما اتمسخر أميرة من يوم الحادث كانت في غيبوبة والبارحة صحت ,,ورائد وفارس ولد عمي راحو لها المستشفى وتأكدو أنها أميرة ,,رائد قالي نجهز كلنا ونروح لها الخبر نزورها وناخذ معنا خلودي ..بس قالي منقول لمنصور اللين نعرف مين البنت اللي كانت معه واللي ادفنوها على أنها أميرة .

في النعيرية..........بعد ألغدا..
غزيل:نجلاء حبيبتي لتخربين بيتك بأيدك ,ومو كافي أنا وأختك مطلقات تبين تصيرين مثلنا ..
نجلاء:كيف تبيني أثق فيه مرة ثانيه هو خدعني واستغفلني ..
غزيل:اللي سواه كان لمصلحتكم ,أرجعي له وكملو حياتكم بعيد عن المشاكل .

في بيت بو عبدالعزيز........
نزلت نوير مسرعه من الدرج ..يلا ياامي ابتدأت الزيارة .خلينا نمشي .
أم عبدالعزيز:دقيقة بس بتجيب الشغالة الأكل لأختك .
نوير:ليه الدلع هاذا كله المستشفى مراح يجوعونها .
أم عبدالعزيز:الهنوف مسقطة ويبغالها أكل خاص غير أكل المستشفيات اللي ميشد الظهر ..

في غرفة أميرة.. كانو جالسين رائد وعمه بو فارس عند أميرة يسولفون .. فجأة فتح الباب ودخل طلال اللي تفاجئ باللي يشوفه وفي نفس الوقت أنصدم من موقف عبير اللي تغطت أول مشافته ..وكأنه رجال غريب عنها ..
طلع طلال وهو مصدوم ..عبير رجعت لحيرتها وقامت تبكي أبي أنام ..أبي أنام ..
بو فارس :ايش هاذا التسيب كيف الرجال يدخل وبس ..
رائد:معليش يعمي خلنا أللحين نطلع ونخليها ترتاح ..
طلال:لبس نضارته يحاول يخفي دموعه وتسند على الجدار يستنا المصعد اللي فتح وسكر وهو محس به.........
رائد:أخ طلال ممكن أتكلم معاك؟
طلال:حط يديه على راسه ..تفضل
رائد:خلنا ننزل للكفتريا

عبير أو أميرة ..مين أنا ..من زوجي طلال أو منصور ...شوي شوي ..أبي أركز ..أنا أميرة وزجي منصور ..عبير وطلال وهم ..وهم لأ مستحيل ,اللي دخل من شوي طلال ..يعني حقيقة ..طيب شلون شلون ,,,,قطع عليها تفكيرها دخول نوير ,,,,,,
نوير: سلامات,,سلامات ,,مسوت علينا الباستا ..
أميرة:تمت تطالع في نوير
نوير:بسم الله وشفيكي تناضرين كذا !!
أميرة:عفوا أنتي نوير .
نوير:يعيني على الذرابه والذوق أي نعم انا نوير
عبير:أنا أميرة بنت حويل ,مو عبير بنت عبدالعزيز سلمان
نوير فتحت عيونه بقوة ,,نعم ,,أنتي رجعت لك ذاكرتك .
عبير:مدري ,,مدري ,,ساعديني ,,
نوير :وشلون أساعدك!
أميرة:عطيني مواقف صارت لي مقدر أنساها
نوير:امممم ,لقيتها ,,الثعبان اللي شفتيه بسريرك ليلة دخلتك ,,تذكرينة..
سرحت أميرة شوي.....ايوا تذكرت ,,يعني أنا متزوجة اثنين ؟!
نوير:شنو ,,
أميرة:أنا متزوجة منصور ولد عمتي وعندي ولد عمرة ثلاث سنوات.
نوير:وطلال؟!
أميرة:مدري,,بس أنا أحب منصور وأحب خلودي ولدي ..أعتذري لي من أخوكي بس أكيد هو بيقدر وضعي .

في الكفتيريا...رائد:أنت لازم تطلقها قبل منصور مياخذ خبر وتصير قضية .
طلال:بس أنت قلت انو منصور تزوج ,ليه نهدم أنا وعبير عفوا أميرة حياتنا .
رائد:الوضع صعب أنت تعرف شنو معناته انو البنت تتزوج زوجين بوقت واحد.
طلال:طيب خلنا نعرف رأيها في الموضوع ..
رائد:حتى لو اختارتك لازم تطلقها ومنصور إذا طلقها هو بعد ثلاث شهور نزوجكم إما إذا منصور رفض يطلق أنساها ..
طلع طلال وهو مقهور من كلام رائد ..تصادف مع نوير .
نوير :طلال دريت باللي صار لعبير
طلال:قصدك أميرة
نوير:هي تعتذر منك وتقولك سامحها ,,وأنساها ..
طلال أنساها ,أنساها ..

في الأحساء.........
بسمة:منصور يلا قوم جيب خلودي اليوم زيارته لنا
منصور:الله ليحرمنا منك ومن حنانك ومن دلالك ...غيرك تتمنى انو زوجها ينسى عياله ويدللها هي وبس .
بسمة:يلا عاد خل عنك الموشحات اللي لتودي ولتجيب تأخرنا على الولد ,تلاقيه يعمري يحترينا..
منصور:أنا أفكر أجيبه يعيش معنا مالو داعي جلسته في بيت خالي
بسمة :ياليت ,والله أحطه بعيوني
منصور وبسمة أستعدو للطلعة..في الصالة مها ..منصور عائشة تقول أنهم بيروحون الخبر في بيت خالي بو فارس وخلودي معهم .
منصور:ومتى قررو وليه ياخذون خالد قبل ميعرفون رايي .
أم منصور:ليه أنت زعلان تراهم بعد أهله ويحق لهم يأخذونه معهم
منصور:أنا الغلطان المفروض أني أخذته عندي من أول متزوجة .

طلال في اللنج وسط البحر.......
تقولين إنساني, وتنسي حبي لك .......
نسيتي حضني الدافئ ,وصدري الحنون..
تقولين محرومة من بعدك ...وأنتي الضحكة تملى وجهك ..
تضحكين علي وتقولين مسكين ..قاعد يتعذب والسبب حبي
مسكين يفكرني مهتمة لحبة ..
تقولين هو كان مثل لعبة بايديني..أسيرها وألاعبها بأطرافي ..
أضحك علية بدموعي وأتباكى ,,تلقى غيري..
آهـ هاذي أنتي ..لكن أنا ماني مسكين ..
صحيح إني جارحا مكسور جناحه والسم مصوب لأطرافه...
وعاشقا لأصوات أحبابه ........بس إني إنسان فقد أغلى ناسه وخلانه ..
صحيح دمعي على خدي وأدري انه شاحب بوجهي ...
وأدري التفكير نحل جسمي ...
يمكن أكون قاسي ,,واضرب بكل قوة ناسي ,,,وأشرب منهم كاسي
بس وش العمل لقسو علي ناسي ..
صحيح الزمن غدار ,,,ودايم القوة فيها أشعار ..
بس الحب كلمة ماهي كاس نار ..
لو كنت مسكين مرضيت بك...ولو كنت مسكين مالقيت غيرك
ولو كنت مسكين ماحبيت غيرك ...بس إني حليم ,,إذا غضبة تحمل ميجيك...
صحيح إني حبيتك واني بقلبي ضميتك ...وبوسط عيني حطيتك ..
بس عزة نفسي تحكمني ...وعن وصلك تحرمني ..
بقلم(عازفة الليل)
بعد أسبوع من الأحداث .........في الأحساء..
بسمة:شبتسوي مع أميرة؟
منصور:مدري ...
بسمة:بتطلقني ؟
منصور:لأ, طبعا أنا مصدقت أننا تزوجنا بعد مفرقونا ..تقولين أطلقك .. بس أنا مو فاهم مين اللي دفناها ...انتهي تعرفين مين اللي دخلت مع المغسلة وغسلو الجثة ..
بسمة:في العزا سمعت خالتك أم عبدالله تقول انو ملامح أميرة متبان من الحروق ..يمكن تكون هي اللي دخلت مع المغسلة ..
منصور :بكلم رائد يسأل خالتي ويتأكد ..
بسمة:طيب وأميرة بتخليها تعيش معنا ..
منصور:لأ,أصلا أميرة لما فقدت الذاكرة تزوجت ..وأنا بطلقها
بسمة:شلون تزوجت؟!
منصور/مدري بس انتي أكيد شفتيه اللي معها في المطار.
بسمة:وخلودي بتخليها تاخذه .
منصور:مدري ,خلينا في مشكلتنا وبعد منحلها ..يصير خير.
أميرة...وهي تبكي ...متى تزوج؟
عائشة:من شهر ..ومن أسبوع رجعو من ماليزيا ..
أميرة:ومين اللي تزوجها ووداها لماليزيا ..
عائشة:بسمة بنت عمته
أميرة:زاد بكائها ,,وتذكرت منصور لما يغلط وهو يناديها بسمة ..
منصور:بسمة خالد يبكي
أميرة:سويت له الحليب ,بس مين بسمة
منصور:أنتي بسمة حياتي ,,تزعلين إذا قلت انك بسمة حياتي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
عائشة:يهوه وين سرحتي ..
أميرة:يعني كان يكذب علي ,,كان يحبها ,ومشاعره لي كلها زيف وخداع ,,,ليه ياربي ليه ردات الحظ ...
عائشة:أنتي محبيتي طلال؟
أميرة:مدري,أحس انو حياتي معه كانت خيال ,,حنون ورومانسي وطيب فوق متتصورين...
عائشة:يعيني ..يعيني ..ودام كذا ليه طلبتي الطلاق منه .
أميرة:لأنو مثل ممنصور حب بسمة وتزوجني ..بعد طلال حب عبير وتزوجني ...
عائشة:بس عبير متوفية....
أميرة:وآنا مبي أعيد واكرر المأساة ..عشت مع منصور عمر واكتشفت انه مو عايش معي مشاعره وأحاسيسه مع وحدة ثانية.
عائشة:بس أنتي توك دريتي عن زواج منصور!
أميرة:بس أني اعرف من زمان انو طلال يحب بنت عمته وعاش كل عمرة على ذكراها ,,وتزوجني بس لأني أشبه لها هي ..مو لأني أميرة ..
أنا تعبت ابي واحد يتزوجني أنا أميرة مو وحده ثانية ,,وإذا طلال حبني من قلبه أكيد بيجي ويخطبني من أبوي وبيتزوج أميرة مو عبير ..
عائشة:بس مو من حقك انك تخبين عليه الحمل ,اللي في بطنك ولده أو بنته ....
أميرة:عائشة مليون مره قلت لك لتجيبي سيرة حملي أنا مابي طلال يرجعني لأني أم لعياله وما أبيه يشفق علي ...أنتي فاهمه .
منصور ورائد..في بيت أم عبدالله..
رائد:خالتي أمينة تذكري البنت اللي في المغاسل هي أميرة ولا لأ,
أم عبدالله:ملامحه مختفية كليا وجهها كلو حروق ,أصلا متقدر تطالع بوجهها من كثر الحروق اللي فيه ..
منصور:طيب عمتي أنتي مشكيتي في موضوع الحروق هاذي
أم عبدالله:لأ,توقعت أنها من الحادث
رائد:طيب مافي شيئ يبين شخصية البنت
أمينة:عطتني المغسلة قلادة ,وأنا أعطيتها لأم رائد..


رائد ينادي أمه ..أمي أمي,,
أم رائد:خير وشفيك متشوف انو عندي حريم .
رائد:أمي خالتي أم عبدالله عطتك قلادة يوم العزا؟
أم رائد:ايوا ,عندي كنت ناويها أتصدق بها في الرمضان ..
رائد:طيب عطيني إياها ..يمكن أهل البنت اللي دفناها يتعرفون عليها من خلالها..

في الخبر............
وليد:يعني أهل عائشة هم نفسهم أهل عبير حرمت خالي طلال
منيرة:تقصد اللي كانت حرمته
وليد:أمي حنا مخصنا في خالي وحرمته ..صح بتروحين على الموعد وبنملك .
منيرة:أنا أشوف نأجل الموضوع فترة اللين تهدئ الأوضاع ..
وليد:لأ,لأ, هاذا عرس عروب وخالد وباقي الشباب بعد ملكتي بأسبوع مااجلتوهم ,,جت علي أنا ..
منيرة:أخاف أهل البنت غيرو رأيهم ..
وليد:لأ,رائد صديقي قبل ميصير هاذا كله ومضن يسونها معنا .
منيرة:كلمة وجس النبض إذا كل شيء طبيعي ملكنا يوم الخميس .
وليد:هو أللحين في الطريق جاي للخبر بكلمه الليلة ..

في بيت بو عبدالعزيز...........
أم عبدالعزيز:وهي تبكي ...معقولة اللي يصير معنا طلال رجع لعزلته مرة ثانية ,,ليه طلقها ليه .
مريم:صلي على النبي يخالتي عبير هي اللي طلبت الطلاق وأصرت علية .
أم عبدالعزيز:مو بكيفها ,, هي أللحين بالعدة وأنا بروح أرجعها ..
منيرة:أمي البنت متزوجة وعندها ولد ,أكيد تبي ترجع لبيتها وعيالها ..
أماني:أصلا زوجها تزوج ...وبيطلقها .بعد ميعرفون مين جثته اللي دفنوها.
منيرة:وأنتي وش دراكي ..
أماني تلعثمت..هي كل يوم تكلم رائد يقولون تواسيه وتعرف الأخبار أول بأول ....أماني بعد لحظة ..ععائشة نسيتو أنها صديقتي ,هي قالت لي .

في بيت بو محمد ..
أم محمد:للحين الشرطة ماشافو الجثة..
بو محمد:لأ...الله يرحمك يوضحا مراح أرتاح إلا أذا لقيت الجازي.. رن جواله رقم غريب الله يستر :الو
المتصل:السلام عليكم
عبد الرحمن : وعليكم السلام
المتصل :الأخ عبدالرحمن الـ...
عبدالرحمن:وصلت خير
المتصل:معك مستشفى::::::::نبغاك تراجعنا بخصوص بلاغك عن الجثة الضايعه في النعيريه
عبدالرحمن:دقايق وأكون عندكم

في المستشفى.........
الشرطي:تكلم ياأخ منصور...
منصور:من حوالي سبع شهور..أنا وزوجتي كنا راجعين من الكويت ..لما وصلنا للنعيريه زوجتي حبة أننا نطعس شوي ونفلها دام البر فاضي ...زوجتي هي اللي كانت تسوق وهي مسرعه قابلتنا صخرة كبيرة , ,,وبسرعة فتحت لها بابها وطيحتها للبر وجلس مكانها وتفاديت الصخرة ولا إراديا اللتفت لورا ابي أشوف وشصار لها ولما تطمنت أنها مطاحت على شيء يؤذيها ناظرت قدامي وإلا بصخرة أكبر من الأولى وبجنبها سواد كأنو عباية ومقدرة أتفاداها ..رميت نفسي والسيارة اصطدمت بالصخرة .وصار اللي صار موعية إلا وأنا بالمشفى ..
الشرطي:وأنتي ياأختي وشصار لك بعد مطحتي بالبر ..
أميرة:أنا فتحت عيوني بعد مسمعت نباح كلب ولما ناظرت شفت كلب يتجه لمكاني ..كل تفكيري كان في الكلب كيف أتخلص منه ..صرخت وصرخت ..ملا مشفت فايدة حملت نفسي بأوجاعي وهربت وتميت اركض واصرخ اللين ...اللين ..ناظرت لطلال
طلال:ناظر في منصور ,بعدها ضميتها لصدري وأطلقت الرصاص على الكلب ومات ,,أميرة أغمى عليها وصحيت في بيتنا....ثالث يوم أخوي حط إعلان في الجرايد .عن بنت فاقدة الذاكرة وتم العثور عليها في بر النعيرية ...بعبدها بيوم أجا نا الرجال الطيب يدور على بنت أخته ,,بس للأسف اللي عندنا مو بنت أخته ...
الشرطي:مشكورين ,واللحين رجال الإسعاف ..


الشرطي:مين منكم اللي شال جثة الحرمة ..
مسعف:أنا اللي شلت الحرمة
الشرطي:منتبهة للحروق اللي بوجهها
المسعف:انتبهت ,بس اللي متعرفونه انو السيارة اشتعلت ,وأنا توقعت انو الحروق من دخان السيارة أو حتى من البنزين.السيارة

الشرطي:بو محمد قول اللي عندك...
بو محمد:زوج أختي مريض نفسيا شك في بنته وأخذها للبر وضربها وحرق وجهها( بتيزاب) وخلاها بالبر ,,,المرحومة أختي قبل متمون قالت انو بنتها بخير الله معها هي لبستها قبل الحادث بيومين قلادة منقوشة عليها آية الكرسي ..
رائد:هاذ هي القلادة؟؟
بومحمد:آنت لقيتها مع البنت؟
رائد:المغسلة اللي غسلت البنت أعطتها لخالتي ..
الشرطي:وانتو يااهلها مااستغربتو الحروق؟
منصور:أنا توي دريت عن سالفة الحروق يوم رجعت أميرة
رائد:وأنا مدرية عن وفات أختي إلا بعد العزا ..
الشرطي:بو محمد تحب إننا نطلع الجثة ونتأكد منها ..
بو محمد:لأ خليها مرتاحة بقبرها الله يجزاهم كل خير اللي كرموها ..زوجتي هي اللي اشترت القلادة وإذا صارت هي نفسها القلادة خلاص ينتهي الموضوع ,بس إذا صارت القلادة مو هي الله يعيني على البحث مرة ثانيه ...

بعد أسبوع من الأحداث.......
أم محمد أكدت انو القلادة نفسها واعلونو للعايلة وفاة الجازي وآخذو عزاها..
نجلاء رجعت لبندر واليوم زواج بدر ..
بندر:أنتي بتروحين للزواج ؟
نجلاء:ايوا بحضر وبوقف مع خالتي .


في المزرعة اللي بالإحساء..........العيلة كلها مجتمعه علشان اليوم ملكت وليد وعائشة ..
في بيت حويل بو رائد......
أميرة :يلا عيوش تأخرنا على المشغل ..
عائشة:أنا خايفة..أهون ؟
أميرة:أنتي مجنونة شنو تهونين أنتي تحمدين ربك انو وليد فكر فيكي.
عائشة:هو اللي يحمد ربه أني وافقت عليه .
أميرة:أخلصي علينا وخلينا نمشي تأخرنا.
نزلو أميرة وعائشة للصالة الأم ولأب باين على وجيهم الحزن..
أميرة:بسم الله وشفيكم ترى اليوم بس ملكة مو مآخذها معه
أم رائد:تلعثمت ومعرفة شتقول ...
خالد:تلقها ..مدور..
أميرة : ترجمت كلام ولدها وناظرت في الورقة اللي بيد أبوها ..وتأكدت من ظنونها.
وإذا منصور طلقني ,,نمنع نفسنا من الفرحة ..أنا اللي ابي أتطلق المفروض تفرحون لي وللعوشي مو تغلبوها نكد . .يلا عيوش خلينا نطلع ..
خالد:ماما بلوح وياس
أميرة..لأ حبيبي ميصير بالليل جده تجيبك معها للحفلة

في الليل .....في النعيرية .زواج بدر ,,
أم بندر....كيف تكرمتي وتنزلتي تحضرين زواجنا ياست نجلاء
نجلاء:خالتي هاذا عرس أخوي
أم بندر:ووينها أمك المطلقة ليه مجت معك .
نجلاء:مسكت عبرتها ,وجلست بهدوء
جت أم سعد..أم بندر هاذي بنت غزيل
أم بندر:إلا هي
أم سعد:وليه مطلقتوها ,انتو تعرفون انو نسبهم مايشرف..
نجلاء:قامت وهي منهارة ..مو عارفة وين تروح .


في الأحساء........
في قصر المملكة ........عقد الشيخ على العرسان ,ودخل وليد صالة الحريم ولبس عائشة واكلها الكيك وجلسو على الكوشه

أميرة وهاذ حنا أللحين بروحنا بعيد عن الإزعاج وش عندك ينوير ..
نوير:بذمتك مشتقتي لنا ؟
أميرة:اشتقت لكم كثير ,,
نوير:البيت مفيه حياه بدونك ..تدرين أن أمي من ثلاث أيام أصرت تجيبك لبيتنا بأي طريقة ...طلال رجع مثل أول منعزل عن الدنيا ..
أميرة:حسيت انه متغير ,بس أنا خايفه
نوير:شخايفه منه ؟
أميرة:طلال يبي عبير ومدري أذا كان بيتقبل أميرة ولا لأ,أنا بصراحة ابي أعيش معه أميرة مو عبير ..
نوير:صدقيني طلال لو محبك مكان تزوجك ,وهو مقتنع بأنك مو عبير وحدة ثانية حتى شخصيتك مختلفه عنها ,,طلال يحبك وأنتي بعد تحبينه لتخلين الشك يفرقكم ..أنا بنادية تكلمو مع بعض لحالكم ..
أميرة:لأ,استحي مابي,,
نوير:تستحين ولا خايفة من زوجك؟
أميرة:أنا تطلقت
نوير:حلو اجل ليه تعقدين الأمور .
أميرة:أنا أللحين بالعدة ,ميصير أشوف طلال أو أكلمة ,وفيه موضوع خاص بيني وبينه ابيكي إذا فعلا طلال يحبني ويبيني أميرة مو وحده ثانية ..تخبريني,وأنا بعطيكي أوراق هامه تعطينه إياها
انتهت السهرة وغادر الجميع الحفلة ..نوير:ضرار شرايك نروح للخبر على طول .
سارة:أي والله تكفى ودي أنام وارتاح في سريري .
أم عبدالعزيز:ياليت ولدي بروحه ,ودي أروح أشوفه
ضرار :وأغراضكم .
سارة:أغراضنا بالسيارة خفت نحتاج لشيء والمزرعة بعيدة ,جبتهم معنا .
ضرار:اجل يلا توكلنا على الله .

في النعيرية..........
نجلاء تبكي من قلب
بندر:أنا توقعت انو بيصير شيء ,بس مو كذا ,الله يهديكي ياامي..
نجلاء/معلية توديني للخبر
بندر:أللحين؟
نجلاء:ايوا.
بندر:يلا قومي أخاف ولي العهد يصير فيه شيء.
نجلاء:يعني مو خايف علي
بندر:أنتي الأصل يروحي كيف مخاف عليكي..يلا خلينا نمشي يدوب نوصل على الفجرية .
في الخبـر..طلال:وأنتي شنو قلتي لها
نوير:قلت لها انك تحبها هي لشخصها مو لأنها تشبهه عبير.
طلال:طيب وين الأوراق
نوير:بالموت عطتني إياهم ,قالت لي إذا تأكدتي انو طلال يحبني عطية وإذا لأ,,حلفتني أني أمزقهم وما أقراهم ..
طلال بانت ضروسه وقام يضحك بقوة ,,
نوير:بسم الله استخفيت ..طلال ,,طلال .
طلال:عبير ,آووه قصدي أميرة حامل
نوير:الخاينه ليه مقالت لي
طلال:بليز نوير الوضع جدا حساس تكفين لأحد يدري انو أميرة حامل ..وكلميها أللحين وقولي لها زواج أميرة ودققي على أميرة وطلال بعد ثلاث شهور...
بعد أربع سنوات من الأحداث........
اليوم الخميس .....زواج سعود ولد سالم على ندى بنت عبد العزيز
وزواج عمار بن خالد على وأريج بنت محمد بن عبدالعزيز..
وزواج تركي ولد راشد بن سعد على مها أخت منصور..
لتستغربون تركي شاف مها في يوم زواج رائد وأماني وأعجب فيها ..
أولا بيت بو عبدالعزيز.....
جناح عبدالعزيز....مريم :يلا يندى عجلي الكوافير تحت تستناكي ..
سجى:ماماتي أريج بنت عمي محمد هي الكبيرة وهي اللي تبتدي ..تو الناس
مريم:باقي شوي وتخلص من أريج وتبونها تستنى الهانم ,يلا قومو.
سجى:أمي العنود للحين منزلت للسعودية..
ندى:حتى أماني القريبة مجت من الأحساء,صدق باردات
مريم:صدق معندكم سالفة ومنتو بالدنيا ..العنود وأماني راحو للمشغل علشان ميتأخرو ..
سجى:متى جو مسلمو علي أنا العروس
مريم:جو يوم كنا في المزرعة نتحنا ,جلسو مع بعض ,ولما صحيو من النوم حضرتكم نايمين..........

في الصالون...الجوهرة..ثقلي الضل شوي
أريج:ماما أنا أبية ناعم
الجوهرة:حبيبتي أنتي العروس ولازم تكوني بارزة أكثر ..
أريج:عمار ميحب المكياج الثقيل
الجوهرة:يتحمل ألليله وبس وبعدها , حتى إذا متبين مكياج مو لازم ..

سارة:جنى حبيبتي أنا بروح للمشغل انتبهي لأختك وهاذي ملابسكم إذا جت الساعة 8,00اللبسو وروحو للزواج.
ضرار:يلا جهزتي
سارة:ايوا
ضرار:والبنات ليه متوديهم معك ؟
سارة:هم بيتزينو عند الكوافير اللي تحت مساعدة مزينة العروس ,ومسكت بطنها بقوة آهـــــ
ضرار:وشفيكي من البارحة وأنتي تتوجعي
سارة:كلم أمي باين أنها ولادة ,آهـ......

طلال:حويل خذ شنطة ماما وحطها تحت الكنبة
راشد:بدول لأمي عليتم
راشد وحويل التؤم اللي ولدتهم أميرة ,وكانو هم أول ذكور من أحفاد عبدالعزيز اللي يحملون أسمة ..
أميرة:ياربي ,,وهاذا وقته بعد, وين راحت الشنطة توي حطيتها هنا..
طلال:حبيبتي ليه متوترة كذا أهدي
أميرة:تأخرت على المشغل ,وتقولي ليه متوترة
طلال:بلاه المشغل اجلسي معي ,أبوي من الصبح ينادي العيال يبي يوديهم معه ..بنصير بروحنا ...
أميرة:هههههههههههه عشم إبليس في الجنة خالد ولدي هنا وبيجي أللحين.....طق الباب.......سمعت..أدخل يابعد عمري ..
خالد:السلام عليكم
طلال وأميرة..وعليكم السلام
أميرة:خلودي حبيبي خليك مع عمك طلال أنا بروح المشغل ..
طلال:عطني 2000 ريال وجوالك ,وبلاها الشنطه خليها ضايعه..
طلال:لأ يماما دام فيها غرامة فلوس ........حويل حبيبي طلع شنطة ماما ..
في بيت بو سالم.........
وصايف:رغد حبيبتي لتبكي أنا بروح للمشغل ,شوي وبرجع آخذك للحفلة طيب ماما ..
رغد:تم وينه (حاتم)
وصايف:حاتم شاطر عند جده يلعب مع روان ..
رغد وحاتم عيال وصايف وسالم إخوان سعود المعرس ..

فيصل:حبيبتي الهنوف بدري ليه مستعجلة
الهنوف:حبيبي الوقت تأخر يدوب أخلص بعد العشا.
فيصل:أنتي حلوة مراح تاخذين وقت .
الهنوف:عيونك الحلوة يعمري ويلا خلنا نطلع قبل روان متحس علينا ترى تغلب الدنيا علينا ومتسكت.
فيصل:مدري ليه مصارت هاديه مثل سلطان ..
سلطان وروان عيال فيصل والهنوف بعد ماسقطت ذيك المرة الله عوضها باثنين مثل القمر ...

غصون:ياربي تلقى العايلة كلها تتجهز للعرس وحنا جالسين هنا ,,
فهد:غصون عمري أنا قلت لك سافري مع عروب وخالد وأنتي اللي رفضتي ..
غصون :كل وحدة بترقص مع زوجها وأنا تبيني أتفرج عليهم وبس
فهد:والله بترقصين معي
غصون:هنا مينفع بالعرس
فهد:أجل يلا جهزي أغراضك لأنو الطيارة بتطير الساعة 4,00 والحين الساعة 2,00عجلي
غصون:والله تقول صادق
فهد:ترى أغير رايي ,يلا خالد وعروب يستنوننا بنمشي مع بعض .
غصون:ليه هم مراحو البارحة..
فهد:لأ,أمس رحلت العنود وعمي أسامه واليوم رحلتنا ,,سويتها لك مفاجئة ..
غصون:يعمري والله أنا قلت شلون زواج ولد اخوي وما احضره ..

عروب:وااي تأخرنا مو كأن أخوك وحرمه المصون تأخرو..
خالد:عاد تدرين الأزواج الرومانسيين وحركاتهم .
عروب:الله يوعدنا
خالد:آمين .

رائد:حبيبتي ,متى تخلصي أبي أشوفك أشتقت لك .
أماني :إذا كل شوي ,بتدق وتشغلني مراح أخلص ولا بكرة ويلا الكوافير ودها تذبحني ,وكل شوي اتصلت ..
رائد:اوكي حبيبتي بس خليها تسمي بالله . باي .

مشاري ونوير في المطار ....
مشاري حامل تغريد بنته ,يمشي وبجنبه نوير ..سمع صوت مو غريب عنه يناديه اللتفت للصوت وناظر تغريد!!
تغريد:كيف حالك يمشاري ,السنين ابد مغيرتك .
مشاري:استغرب جرأتها كاشفة وتكلمه وكأنه واحد من محارمها مكأنه رجال غريب ..ولا كأن جنبه زوجته ..
مشاري :يناضر لنوير ,أنا بخير
تغريد:حبيبي ,هاذي زوجتك ولا ..ههههههههه
مشاري:بغضب ,أنتي صدق متستحين ,,أنا مدري كيف فكرت فيكي بيوم من الأيام ..ومسك يد نوير وكملو طريقهم.
في السيارة...مشاري:النوري أنا آسف على الموقف السخيف اللي صار من شوي ..
نوير:وأخيرا أجا اليوم اللي عرفت فيه حقيقة المرأة اللي كنت تحبها أو ألي كنت متوهم بحبها ..
مشاري:أنتي كنتي تعرفين بعلاقتي السابقة بتغريد...
نوير:تذكر ذيك السنة لما كنا بالشاليه ...أنت صرخت يالخاينه ورمت بجوالك بالبحر ,,أنا كنت وراك بس أنت محسيت بي ..
وقتها أنطعنت في قلبي وحسية بضيق الدنيا وظلمها لي ..
ولما تزوجنا من أول يوم راهنت نفسي على قلبك ,وانطعنت مرة ثانية لما سميت بنتنا على اسمها تغريد ..وحاولت أني اقترب منك أكثر واحمي قلبك لقلبي وأخيرا أجا اليوم اللي اضمن فيه إن قلبك لي بالحالي ..
مشاري:يـــــــاه كل هاذا صار معك يبنت عمي وأنا مدري ,,صدق انك أصيله ,,وصدق أني عمي وغشيم ...بس أوعدك أني بضل رهين لقلبك بروحك طول العمر,ومن بكرة بغيير اسم البنت .
نوير:لأ,تغريد بنتي غير ,وبعدين خلها علشان كل محاولت تلعب بذيلك ,تناديها وتذكر خيانتك وتهون وترجع لي . .

في النعيرية.........
سلوى زوجت بدر:أنا مقلت لك أنو أهلي بيجون ليه تطلعين من غرفتك..
أم بندر:يبنيتي ,أنا زهقانة وابي اتونس مع اهلك شوي
سلوى:أنتي متسمعين ,قلت لك ادخلي لغرفتك ليجيكي شيء عمرك مشفتيه ,لتخليني اكلم بدر يوديكي دار العجزة ...
بندر:أنتي مصرة تروحين لبيت أهلي ،مو تقط عليكي سلوى كلام أو تضايقك أمي بتصرفاتها وتجلسين تبكين فوق راسي أسبوع.
نجلاء:مراح نطول بس أخلي خالتي تشوف أحفادها عشر دقايق ..
لي ..
نجلاء:متبي تشوف خالتي
بندر:تدرين تصرفات حرمت أخوي تزعجني ..مرة ثانية .
دخلت نجلاء البيت قابلتها سلوى..اووف وشتبين أنتي بعد..
نجلاء:أنا مو جاية ببيتك أنا في بيت خالتي وجايه أشوفها
سلوى:هههههه خالتك, أنتي تدرين أنها متواطنك ولتحبك ليه أنتي لزقه كذا ..
نجلاء:خالتي وين؟
سلوى:بغرفتها ,ولتطولين بيجون أهلي وما بيهم يشوفنك ,فاهمه ..
دخلت نجلاء غرفة أم بندر وشافتها تبكي ..ترددت تدخل ولا لأ
مريم بنت بندر :ماما ليه جدة تبكي
انتبهت لهم مريم أم بندر .........نجلاء توقعت انو أم بندر بتطردهم بس تفاجئة قامت أم بندر وضمت مريومة بقوة ,وأخذت هيثم من يد نجلاء وضمته .
أم بندر: حياكم الله هلا بالغاليين هلا ..
نجلاء:هلا فيش خالتي
أم بندر:أجلسي يبنتي ليه واقفة ؟
نجلاء:خالتي شكلك تعبانه ..
أم بندر:الصحة والقوة معادة مثل الأول ,,,بنت بليس لعبة بي ,,واللحين تلعب براس بدر يوديني لدار العجزة ..
نجلاء:مو بكيفهم ,واذا أنتي مو مرتاحه هنا تعالي معنا للخبر العين أوسع لك من الحاجب ..
أم بندر:أشهد أنك أصيله بالرغم من قسوتي معك حنيتي علي واللي كنت أداري خاطرها تقسي علي ..بس أنا مقدر أترك بيتي ..
نجلاء:طيب تعالي كم يوم ريحي أعصابك ووسعي صدورنا .أصلا بندر من زمان وده يجلس معك ويسولف بس تصرفات سلوى الله يهديها مانعته ..
أم بندر:الله يكرمك يبنتي ,بروح معكم بس أسبوع وبرجع ..

أللحين عفراء...تزوجت رجال كبير شوي وعنده حرمتين قبلها ودرزن عيال ...اليوم الصباحية...........
عبدالله:عفراء وشذا اللي أنتي لابسته
عفراء:هاذا تيوور
عبدالله :أقولس يلا غيرية والبسي جلابيتس وانزلي أطبخي الذبيحة مع ضرا يرس تدرين اليوم بيجون ناس يباركون ولازم نقوم بواجبهم..
عفراء:بس أنا توي عروس ,وما اعرف أطبخ الذبيحة ..
عبدالله :بلا دلع وبعدين معس الباقي يعلمو نس ...وطلع عنها .
عفراء:يربي وشذا المصيبة ,,هاذي البداية اطبخي ذبيحه الله يستر من الباقي ..أنا اللي سويته بنفسي.

أما غزيل مشاء الله عليها بقوتها ومطلعه عيون حريم أخوانها..

أما ضاحي...مات ببيته الصغير ومحد دري عنو ..لما الجيران أشتكو على الريحة الكريهة اللي تطلع من بيته ,,دخلو الشرطة وشافوة ميت ...
الله يمهل ولايهمل عاش باقي حياته وحيد ومتندم على ظلمه لبنته ووضحى..ومات وحيد.

أما طارق........اليوم طلع من السجن بعد مأخذ جزاه ,وعرف انو بنات الناس مو لعبة ..مله ا حد في الخبر مشاري ومتعب مستحيل يسامحونه بعد استفزازه لسجى...ورجع للنعيرية.

في الأحساء.........
وليد:حبيبتي أخاف نتأخر ,يعني الخبر مافيها مشاغل .
عائشة:إلا يعمري بس أنا ماابي أغير المشغل اللي دوم أتزين عنده أحس محد يطلعني غير هاذي الكوافيرة ..وهي وعدتني تخلصني الساعة 6,00 يعني بنوصل للخبر على الساعة 8,00 بدري .
وليد:طيب وخلودي راح مع أمك خلاص
عائشة ناضرت بساعتها ,هم أللحين بالطريق ويلا لتأخرني وديني للمشغل .

بسمة:يربي ليه مها مأجلت زواجها اللين أولد..وحطت أيديها على بطنها .
منصور:ههههههههه عادي أكيد يتشوفين غيرك مثل حالتك الوضع عادي..
بسمة:وجهي منتفخ مدري المكياج بيخفي التنفخ ولابيبرزة أكثر.
منصور:يسام راسك ,مو لازم نحضر الزواج نروح للبحرين
بسمة:لا,والله أحلف ,قوم بس قوم وديني للمشغل.
منصور:حريم تحبون العروس .

الساعة 10,00الليل العوايل كلها مجتمعه بالعرس والقلوب صافية
بالفندق بجناح تركي ومها ...
تركي : مبروك يعروسة
مها:الله يبارك فيك
تركي:تذكرين أول يوم شفتك فيه
مها :أكيد يوم ابد ماانساه..
تركي:ليه دخلتي المجلس
مها :خالتي أم رائد طلبت مني أجيب البخور من المجلس وأنا أدور عليه شفت رجول تتحرك من ورا الطاولة اللي عليها السماعات وصرخت ولما أنت طلعت لي راسك خفت أكثر وزاد صراخي اللين دخل رائد وأنقذ الموقف ,وأنت وش كنت تسوي بالمجلس..

تركي :كنت أركب السماعات وأضبط الدي جي ..لمحتك وأنتي داخلة محبيت أخجلك أتخبيت ,بس أنتي مشاء الله عيونك زرقا اليمامة ..وصار اللي صار,وأنا عاهدت نفسي انو هاذي الأميرة من نصيبي ..

في جناح أريج وعمار...........
عمار:مبروك يقمر
أريج:الله يبارك فيك ياعسل
عمار:قرب منها وباس جبينها وحط يده على راسها وبصوت غير مسموع يدعو(اللهم إني اسئلك خيرها وخير ماجبلتها عليه وأعوذ بك من شر ما جبلتها عليه )
أريج:ليكون تدعي علي ,ترى أرجع لبيت أهلي .
عمار:هههههههههه لتخافين دعيت لنا والله يوفقنا .ونعيش لبعض طول العمر.


في جناح سعود وندى.......
سعود:مبروك ينور عيني
ندى:وهي مستحية الله يبارك فيك
سعود:يلا عاد حبي ابي أشوف عيونك ,ساكت لك فترة الخطوبة لأنك مستحية لكن الحين اتركي الحيا ورآنا شغل كثير الليلة ..
طووووووووووووووووووووووووووووووووووووووووووط

كل المعازيم رجعو لبيوتهم .......
في جناح مريم وعبدالعزيز........
مريم :اليوم أنا مرة فرحانة ,تدري من اللي كلمتني تبي سجى لولدها
عبدالعزيز:مين؟اللي خلتك طايرة من الفرح
مريم :أم راكان الـ....... الوزير ..
عبدالعزيز:صدق ,وشرديتي عليها
مريم:قلت لها بكلم أبوها ويصير خير ,ولا بعد أخطبت جنى وجنان بنات ضرار لللأولادها التؤم اللي يدرسون بأمريكا.
عبدالعزيز:مو كأنهم صغار
مريم:لأ,مو صغار 19س وتقول صغار
عبدالعزيز:الله يوفق الجميع..

في جناح طلال.........
طلال:اوووف العيال طلعو عيني على متركو جدهم .
أميرة:وهي تكتب ,وخالد أجا معكم ؟
طلال:لأ,راح مع منصور ,أنتي شنو تكتبين صار لك كم يوم على هاذا الحال .
أميرة:كنت أكتب مذكراتي وهاذ أنا خلصت ..
طلال:كتبتي كل شيء صار بحياتنا
أميرة:تقريبا وسميتها (عشرت حياتي اليوم ماضيها)
انتهى,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,
أخيراً وليس آخراً انتهت الروآيه وعفواً على الأغلآط الأملآئيه
تقبلو تحياتي ,وأشكر كل من قرأ القصة وكل من رد عليها ..

ترقبوآ القآدم
a7bh 7eeL