|
|
|
منتدى عيون | العاب | شات | دردشة | دليل دردشة | دليل المنتديات | افضل شات | شات بنات | الاعلانات | دليل | العاب فلاش | sitemap |
|
|
06-23-2008, 03:16 PM
|
#1 |
|
عضو نشيط
|
قصة سماء.
لقصه طويله ولكن بختصرها على قدر الامكان ولكن اسفه ان كان فيها مواقف ما تعجبكم من تصرفاتها .. يمكن يطلع لكم مليون علامة استفهام ويمكن تبكون ويمكن تفرحون بس بالاخير الحكايه مستمره معها كأنها مريضه بمرض الخيانه . ::: ::: ::: نبتدي القصه؟؟ :: :: ((1)) ما تذكر شي من طفولتها غير انها يوم رجعت من مدرستها وهي بصف الثاني ابتدائي تشوف كيس زباله بوسط الحوش فيها اغراض امها نعالها ثيابها عبايتها خلونا نسمي البنت بأسم عشان ما اقعد اقول واكرر بنت بنت بكل قصتها خلونا نسميها أمل قامت تنادي على امها بكل البيت تدخل غرفة غرفة لكن للأسف ما لقتها جت اختها الكبيره ندى من مدرستها كانت بالمتوسطه شافت الكيس وقالت لها أمل انها ما لقت امها بالبيت قالت خلااااااااااااااص امي سجنوها سواهاااا ابوي فيها سجنها حسبي الله عليه أمل كانت تفكر تقول لنفسها هل ممكن مشاكل بين الأم والاب يخلي الواحد يسجن زوجته بدون سبب تقول رغم صغر سني كنت اعرف كل شي عن ابوي وامي عن مشاكلهم وعن اسباب مشاكلهم وعن اشياء كثيره من اسرارهم الي كنت اسمعها وانا اسوي نفسي نايمه وهم يتكلمون كل يوم مشكله لكن الاسباب وحده ما كنت اسمع الا تفاهات من لسان ابوي واسمع تنهيدات امي كأنها تطلب من الله الصبر تفاهات على اسباب واهيه بس عشان يعمل من الحبه دبه تفاهات يكبرها بس عشان ما تنام هالمسكينه مرتاحه لو يوم بعد صبرها كل هالسنين مع زوج شريب خمر يسكر قبل ما ينام برااا البيت وقبل صلاة الفجر كأنه ساعة منبه يقعد قبل الكل يسبح ويتوضأ ويصلي ويرفع ايده ويدعي ان الله يوسع رزقه يوم بعد يوم سبحـــــــــــــــان الله كرهت والدي بأفكاري الطفوليه كرهته مو لأنه يعاند أمي ويطقها كرهته لأنه ما يخليني اعيش طفولتي كان بودي يوم يحضني ياخذني بحضنه يعطيني حنانه لكن ما كنت احسبه والد مثل بقية أبهات صديقاتي او بنات خالتي بالعكس كنت احسبه انسان بالع مسجل مسجل شريطه ما يخلص الوجه A يشبه الوجه B كل يوم يعيد ويكرر نفس الكلام الي يقوله كل يوم انتي كذا انتي كذا ويسبها ويلعنها لها حق امي البارحه يوم مسكتني عند الدرج بالظلام وقالت لي شوفي امل بكره بروح مع ابوك المحكمه خلاص بنتطلق اختك ندى مخطوبه واختك الي اصغر منها مريم برضوا مخطوبه واخوك الحمدلله يشتغل مع ابوك بمحلاته يعني ما بقى الا انتي وانتي ما راح اخليك انتي بتجين معي نعيش ببيت جدتك لا تخافين علي وباستني وكأنها عارفه ان هذا اخر يوم تبوسني فيه وهيه بوعيها الكامل راحت امي اسجنوها ؟؟ لاااااااااا يا خبر اليوم بفلوس بكره ببلاش ابوك ما جه على الغدى غريبه العصر قرب وحنا كلنا قاعدين بالحوش وانا اقول جوعانه ابي اكل والكل ينتظر ابوي نبي نعرف وش صار في امي وصل لنا الخبر عن طريق جاره لاهي قريبه ولا هي بعيده يمكن كانت تسمع صراخنا كل يوم عشان كذا تعرف بلاوينا قالت لنا امكم بالمستشفى قبل حكم الطلاق حكموا ان امل تكون لأبوها لانها خلصت السن القانوني . |
|
06-23-2008, 03:17 PM
|
#2 |
|
عضو نشيط
|
((2))
قعدت ابكي طول الليل اطلب منهم اني اشوف امي بالاخير اختي ندى خذت تاكسي وخذتني معها للمستشفى الساعه وحده بالليل وش الي خلانا نطلع على الشارع بالوقت هذا لكن لا الام موجوده ولا الأب موجود بالبيت ووجود اخوي مثل عدمـــــــــــــــــــــــــــ ــــــــــــــــــه بعدين راح تفهمون وش قصة اخوي ضعيف الشخصيه ندى انسانه مغامره لأبعد الحدود امي تلقاها من مين وله مين مشاكل الليل مع هالأبوا وله مع ندى الي كثرة طلعاتها وفاح ريحتها بكل الحاره رغم خطوبتها لانسان بعيد عن الديره من بلد ثاني لكن ما قد مره حسينا انها تغيرت يمكن الزواج بالنسبه لها ملجأ لمغامراتها الخفيه او انها زهقت من عيشت بيت كله مشاكل عمري ما حسيت اننا على قلب واحد كنت عارفه اني بضيع من غير امي الااااااااااا كنت متأكده من ضنوني دخلت الغرفه بالمستشفى امي نايمه لا مو نايمه الا بغيبوبه وما يعلم بحالها الا رب العالمين شفتها وهي مرسوم على جبتها خطوط بالمجيكلر قلت لندى ليه مشخبطين على جبهت امي قالت راح يفتحون راسها بكره عندها عمليه !!!!!!!!!!!! ما فهمت شي من كلامها كل الي ابيه انها ما تطول وترجع لنا بسرعه وتاخذني معها وين ما تبي مثل ما وعدتني البارح مرت الايام وحنا لحالنا بالبيت زاد استغرابنا كلنا بإختفاء ابوي لعله يحس بالذنب بعد كل الي سواه حرمنا من امنا كل هالايام واخيرا وصل خبر نجاح عمليتها فرحت وخذوني لها للمره الثانيه دخلت غرفة غير ذيك الغرفه غرفه خاصه ما فيها الا سرير واحد قربت منها لكن ما شفت امي شفت انسانه ثانيه مربوطه بالسرير انسانه خلتني اتذكر قصص الرعب والافلام المرعبه انسانه تقشر وجها وقاعد يطلع الجلد الجديد انسانه نصفها صفراااا ونصفها باللون الوردي تصارخ تنادي بأسمي تقول لي قربي وتبي تمسك ايدي تتوعد بإلي ياخذني منها قربت اكثر ولما شفت انها بدون شعر خفت خفت وقلت لها بكل قوتي انتي مو امــــــــــــــي انا ما ابيك ابي امي خذوني عنها طلعوني من الغرفه وانا ابكي شفت ابوي بعد كل هالغيبه واقف برااا الغرفه قلت لها كل منك انت كله منك سمعته يقول لخالي يبي يشوف امي لكن خالي منعه قال له انسى زوجتك ما تبي تطلقها براحتك لكن ما عادت لك ولا عاد تقدر تشوفها خلها هي الي فيها كفايه والي سويته يكفي وين كنت عننا يا خالــــــــــــــي بعد كل هالسنين وين كنت لما كنت تسمع من الكل ان امي كانت تعاني انا بنفسي كنت اشوفها كل يوم يجرها من شعرها من الطابق الثاني الى الحوش يقطها قدامنا ولا احد يقدر يقول له شي يارب وش مصيرك يا ابوي بالنهايه ليه ظلمتنا وظلمت امي الي ما قد مره رفضت لك مطلب |
|
06-23-2008, 03:17 PM
|
#3 |
|
عضو نشيط
|
(3))
تمت امي بالمستشفى ست شهور دخلت بغيبوبه وبعد ست شهور الله كتب لها الحياه من جديد ايام واسابيع وشهور وانا الاحظ كيف صار ينبت لها شعر بفروة راسها وهي بغيبوبه المس راسها وصرت اعاتب نفسي ليه قلت لها انها مهي امي ليه ما سمعتها كلمه طيبه قبل ما تدخل غيبوبتها رجعت امي لكن برضوا مهي طبيعيه صارت انسانه عصبيه صارت انسانه مختله عقليا عايشه على المهدئات وعلى حبوب الاعصاب تفقد الذاكره لاسابيع وترجع لايام تمشي بالبيت الجديد الي اجرها لنا اخوي بيت صغير بعد ما كان كل واحد له غرفه صرنا كلنا بغرفه انا وامي واخوي ومريم بغرفه وندى لها نصيب الاسد غرفه لحالها ليـــــــــــــــــــــــه ؟ لأن محد يقدر على لسانها الى الان اسئل نفسي اقول عمري ما شفت انسانه نفس اختي تكون انانيه ودائما هي بالمقام الاول ومصلحتها فوق الكل أمي تمشي كأنها شبح بالبيت اشوفها وانا جالسه بالصاله رايحه للحمام وداخله المطبخ ما تسوي شي تدور على شي بس ما ادري وشو ؟ اقول لها امي وش فيك وش تبين اجيب لك تقول ابي امل الصغيره وينها خذاها مني ؟ امي انا امل انا امل تقول لي لا انتي مو امل امل صغيره صغيره تمر عليها ايام ما تاكل ولا تشرب وتمشي وتطيح تمشي وتطيح الكل يقنعها انها تاكل لكن للاسف تقول الاكل وصاخه فيه دهن فيه زيت واشوي اشوي صارت تفتح البيبان بالنشاف ما صارت تستخدم ايدها صارت تسرف بالماء وقت ما تغسل ايدها يوم بعد يوم وانا اراقبها قلبي يتعب من الي كنت اشوفه ياربي انا صغيره على كل الي قاعد يصير مريم وش دورها مريم كانت تاكل الكتب ايه كانت تاكل الكتب بكل ما الله عطاها من قوه كانت الاوائل دائما الاوائل كانت المفضله عند ابوي شهادات تفوقها كان تاج على راس ابوي لكن جت الطامه الكبرى يوم خطبها ولد خالتي وبما ان ابوي يكره امي واهلها اكيد ما راح يوافق على ولد خالتي لكن مريم انعمت صارت ما تشوف قدامها صارت ما تدرس ولا تحضر فصولها وافق ابوي وهو يردد حسبي الله عليك وعلى اهلك طبعا يقصد امي .. |
|
06-23-2008, 03:18 PM
|
#4 |
|
عضو نشيط
|
((4))
يقول سحروا بنتي من بعد ما كانت احب بنت عندي تتذكرون الشريط الي كان بالعه ابوي كان شريط مريم والسحر وعماها واخر شي موافقته بالغصب على ولد خالتي انخطبت مريم لكن عمرها ما تغيرت ترجع من المدرسه تنام تقعد تاكل تدرس الين ما تنام كانت تدرس بصوت عالي وحنا بغرفه وحده تتكلم وتشرح لنفسها وانا صوتها يرن بإذني ياني كان خاطري اسكتها ياني كان خاطري اني اقفل فمها واني ما اسمع صوتها صرت اكره صوتها كل ما تكرر كل جمله عشرات المرات عشان تحفظ وانا وين دراستي ؟؟ عمري ما رسبت لكن عمري ما حطيت حيلي بالدراسه انا ذكيه واقولها بكل ما املك من قوة لكن ذكائي كان المفروض ان احد يهتم فيه ذكائي خلاني اعيش واقعي يوم بعد يوم وانا خارج دائرة العائله اشوف واسمع لكن ما لي راي يحسبوني صغيره كيف تحسبوني صغيره وانا اغسل ملابسكم كل يوم واركب الطابق الثالث انشرها وبعدين ارجع اجيبها عمري ما اتذكر ان هالنشافه كانت تصلح انها تنشف كنت اخذ الملابس للطابق الثالث والسله تنقط مويه انكسر ظهري من شغل البيت ندى براااا ومريم لسه ما كملت اكل الكتب وامي لسه تلعب بالماء اتاريها فيها وسواس القهري عطوها حبوب خفت لكن ما رجعت زي قبل كان بودي يوم اشم ريحة طباخ ببيتنا لكن بعد كل يوم بالمدرسه اطلع اروح بيت جدتي الي ساكنه معها خالتي الصغيره اخذ غدانا جدر اشكبره وشنطتي فوق ظهري اجيب معي الاكل وبعدين ناكل اليوم امتحانات واليوم بطلع بدري قبل الساعه المحدده بساعه رحت لجدتي اكتشفت ان جدتي كانت تحط المرق بالفريزر عندها قدور وقدور من الاكل بالفريزر شفت المرق وهو جامد قاعده تسخنه قبل ما تعطيني قلت لها جدتي تأكلينا بايت نطت خالتي علي قالت اول مره اشوف ناس مهم راضين بالحسنه اي حسنه يا خالتي اخوي يدفع لكم شهريا للاكل وانتوا تعطونا اكل مجمد رز مجمد ومرق وصالونه بالفريزر انا بالصف الثالث لكن فهمت ان هالطريقه غريبه وما قد مره سوتها امي معنا كرهت الاكل خذيت الاكل للبيت لكن ما عدت اكل معهم قلت لأختي مريم عن سوالف خالتي وجدتي قالت عادي ما فيها شي بس انا ما عدت اقدر اني امد يدي بعد ما شفت الي شفته مرت سنتين زواج ندى قرب يالله مين ياخذ غرفتها ؟ هذا همي بس هههههههههههه اكيد مريم لان تحتاج لمكان تستقبل فيه خطيبها اتذكر نظرات خطيبها لي كأني من عالم ثاني كأني خارجه عن الدين يمكن كان حاس اني بكون كذا يوم من الايام !!!! لحيته كبيره وانا اسئل نفسي كيف اختي تتقبله افكاري ما تتقبل هذي الامور وقتها كنت احسب كل شي على هواي وكأن ما في شي اسمه خطوط حمرااااااااااء ما عادت الحياه هي نفسها ولا عادت طفولتي طفوله عاديه رجعت من المدرسه يوم من الايام وانا بالصف الرابع بلغت وانا بالمدرسه رجعت قلت لمريم وش صار بالمدرسه عطتني فوط صحيه ومنعتني من النوم بشكل طبيعي على الفراش حطت لي كيس وبعدين شرشف حسيت اني منبوذه يومها ما ادري ليه مع ان الحين اتذكر موقفها اقول انسأأأأأأأأأأأأأأنه مجنونه ما تعرف تنصح رغم تفوقها يوم من الايام كنت اقرأ لها دعاء خذت من عندي الكتاب وقالت لي انتي ما تصلحين للادعيه انتي تقرين كل شي خطأ ليه ما صححت لي ؟ ما ادري !!!!! سافرت ندى مع زوجها مسكين زوجها وش يستحمل اتوقع رضت بالغريب عن الديره عشان مافي احد ممكن يخطبها لانها مفضوحه بعلاقاتها الكثيره وطلعاتها راحت وارتحنا من مشاكلها مع مريم كل يوم بسبب الغيره ندى ما كملت دراستها كنت اتوقع اني راح اشتاق لها رغم انها كانت انانيه لكن اتذكر انها كانت تدافع عني ببعض الاحيان لما كنا نتشاجر انا ومريم كانت دائما بصفي يمكن من زود كرها لمريم مو حبا فيني لكن كل ما احد يشوفني كان يقول اني اشبه ندى كثير لكن كلامهم له مغزى خصتا خالاتي وبناتها وعيالهم وكأنهم يقولون اكيد راح تمشي نفس ممشى اختها .. ليالي كنت احلم بأمي بأسنان نفس مصاصي الدماء تلحقني من مكان الى مكان اقعد من النوم وانا خايفه منها ولما تطلب مني ماء صرت اخاف اقرب منها كأنها راح تتحول فجأه والحلم بيصير حقيقه |
|
06-23-2008, 03:19 PM
|
#5 |
|
عضو نشيط
|
((5))
مرت السنين وانتقلنا من هالبيت الى بيت اكبر مع ان صار عددنا اقل بعد زواج ندى لكن زيادة الخير بركه أجر لنا اخونا بيت من طابقين الطابق الاول ثلاث غرف وحمام وهنا تدور اكثر الاحداث قريبا ... والطابق الثاني فيها غرفتين وحمام والمطبخ بالحوش فرحت كثير بالبيت صرت اقدر اني اقعد بغرفه لحالي غرفتي الخاصه وياريت ما عطوني هالغرفه بالذات ...؟؟؟ الغرفه الكبيره خذتها اختي مريم وحطت فيه سريرها ابو نفرين وانا عطتني الغرفه الي اصغر على قدي لكن برضوا كانت عاجبتني كثير لكن المشكله ان الي بيني وبينها باب يعني اسمع كل شي يدور بغرفتها وامي اخوي خذوا الغرف الي فوق اما الغرفه الباقيه الثالثه بالطابق الاول سويناه مخزن كبرت المسؤليه تنظيف البيت خصتا انه كبير كثير كنا نتشاجر انا ومريم على هالامور لكن برضوا كان حسها بالبيت اهم بالنسبه لي وانا كنت احسب الايام اقول يا ربي انا بنتقل للصف الثاني المتوسطه وهي بتخلص الثانويه وقرب موعد زواجها يعني البيت بيخلى ما يبقى الا انا .. هنا تحولت مسئلة الغدااا اليومي الي كنت اجيبه من بيت الجده جدتي تعبت وخالتي أم خطيب اختي مريم تولت موضوع الغداء اليومي صاروا كلهم يتغدون عندها لقرب المسافه ما عداااااااااي انا لأن كنت استحي من نظراتهم كنت اقول هذي اختها الي هي امي تاكل من عندهم واختي تصير كنتها وانا وش اكون بالنسبه لهم نظراتهم تذبحني ما كنت اقدر اتأقلم معهم بجلساتهم دائما كانت تحسسني اني اقل من بنتها دائما بنتها تحسسني ان عندها ام على مر كل هالسنوات وانا ماني قادره اخذ حب وعطاء امي فقلت الافضل جلوسي بالبيت لحالي كنت اكل اي شي الى الآن افكر بيني وبين نفسي كنت كيف عايشه على خرابيط طول اليوم ما عمر دخل ببطني رز او شي مفيد واحيانا كنت اروح بدون مصروف للمدرسه ما عمر احد عطاني مصروفي او عطاني شي اخوي كان بس يقول لي اخذي من البقاله الي تبينه وانا ادفع له طيب وش فيه بالبقاله ان كنت ما اعرف اطبخ ولا الفرن موجود بالبيت كنت اشتري كاكاو وجيبس وهذا كان اكلي بس جسمي ضعيف ما فيني قوه اتحمل لكن كنت احس ان خلاص تعودت بالعكس الاكل صار بالنسبه لي ما يتعدى هالمكونات الي خلاص تعودت عليها ياريت احد سئل يوم من الايام وش اكل وله كيف وضعي وكيف صحتي وكيف دراستي .. ليالي تمر علي وانا بالغرفه اسمع سوالف اختي مع خطيبها وانا بسن المراهقه ما بين 11 و 12 سنه اسمع اشياء ما المفروض اسمعها اسئل نفسي اسئله وما عندي اجابات عليها وهذاك الوقت الزمن غير عن هالزمن الي كل شي متوفر فيه من معلومات وغيره يوم من الايام نادتني المشرفه الاجتماعيه بالمدرسه استغربت لاني راعية مشاكل ولا عندي شي عندها معقوله امي صار فيها شي لما رحت لها شفت ابوي قام يشتكي للمشرفه يقول لها هذي بنتي مهي باره بوالديها ما عمرها سئلت عني ما عمرها قالت ابوي حي وله ميت ابتسمت قالت لي المشرفه يا قليلة الحيه تضحكين على كلام ابوك قلت لها ما اعرف ارضه من سماه وين اسئل عنه هو ما سئل عني ما قال بنتي من يصرف عليها وله مين يباريها بعد ما صار الي صار بوالدتي خذاني على جنب كلمني وكلامه كله عتاب عتاب على الفاضي يتكلم عن امور يخصه مع امي ما وده يفتح صفحه جديده بالعكس قسى قلبي عليه اكثر ما عدت بحاجته كرهت كل حرف ينطقه وما عاد لي به صله غير بالاسم طلع لي من جيبه 200 ريال قال لي هذا لك وكل اسبوع تعالي عند المحل مع اخوك وبعطيك مصروفك فرحت ابي الفرج انه يمشي طلعت وانا فرحانه بالمبلغ الي عندي رحت لأمي قلت لها يمه جاني ابوي قالت زين هذا ابوك وانتي بنته اسئلي عنه هذا واجب البنت تجاه ابوها |
|
06-23-2008, 03:20 PM
|
#6 |
|
عضو نشيط
|
((6))
وفعلا مر كل اسبوع وابوي يعطيني 100 ريال مصروف جيبي كل مصروفي للأكل مو لشي ثاني عمري ما فكرت اشتري لي حاجه من ملابس او غيره امي كانت تجيب لي ملابس بنت خالتي عشان البسهم بما ان احنا بنفس السن لكن بالمدرسه تتحاشى انها تطالعني وما عمرها قالت للبنات اني بنت خالتها ودائما تشوفني من فوق خشمها مرت الليالي وانا اسمع نفس الاصوات الي كانت تطلع من غرفة اختي وقتها تمنيت انها بسرعه تتزوج ما عدت اقدر استحمل كنت انقرف كل ليله واتمنى اني انام بسرعه قبل هالزيارات الليليه وجه موعد زواجها لكن ما بنسى اني اذكر ان ندى وقتها كان عندها ولد وكانت حامل بالثاني لكن المشاكل يا كثر المشاكل بينها وبين زوجها هي تقول انه بخيل ومايصرف عليها وهو يقول انها حقوده وانانيه ما قال شي جديد زواج اختي مريم مر بسرعه ما شفتها الا اختفت بعد الحفله راحت شهر العسل بدل الغرفه صار عندي طابق بكبره لي لحالي الليل طويل والسكوت يذبح .. وهنا طلع بحياتي شخص جديد ياريته ما طلع .... :::::::::::::::::: التنظيف اليومي بالنسبه لي ابتدي من اول ما ارجع من المدرسه ما ارتاح البيت يلق لق وهذا الشي الآن الحمدلله الكل يعرفني اني نشيطه بالبيت واشتغل عن عشر حريم كنت انظف كل الطابق التحتي ولما كنت اخلص اروح غرفة امي اغير شرشفها اسبحها البسها اعطرها وابخرها واجيبها على فراشها مثل العروس فتحت الشباك شباك غرفتها لفت انتباهي واحد كان عند سيارته فاتح الدبه ويطلع اغراض هذا هو ... ولد الجيران البيت لاصق بالبيت غريبه اول مره اشوفه ما عمري شفته رغم اننا ساكنين هنا صار لنا سنتين قلت لأمي مين هذا ؟ يا جرأتي امي قالت لي هذا ولد عم الي مأجرين عنده يعني صاحب بيتنا هو عمه وصارت الصدفه انه رفع راسه وشافني انبهر مدري والله شكله انصدم لأن حالتي حاله من بعد كل هالتنظيف طول اليوم نزل راسه لكن هالمره كان يشوفني من تحت الى تحت يعني عشان محد يحس خبيت عمري من الخوف ورااا الستاره ياريتني اختفيت من الوجود كله بعد اشوي لاحظته مره ثانيه يأشر لي بورقه الظاهر رقمه الخاص خفت من الخوف ركضت الطابق التحتي قفلت البيبان الخارجي والداخلي ودخلت غرفتي وتأكدت ان الشبابيك مسكره وش صار فيني كل هالخوف كأنه شبح وش هالاحساس الي حسيته ماني متعوده على شخص يهتم فيني لو بنظره ما عمري جه في بالي اني ارفع عيني بعين احد من اهلي الشباب او اسلم عليهم بالليل ما نمت خايفه متلحفه بكل قوتي ما قدرت اني انام ركضت ونمت عند امي وانا عيني على الشباك والصباح وانا رايحه المدرسه شفته !!!!!!!!!!! ينتظرني ياااااااااااااااه طلع ضابط خفت اكثر منه طول المسافه وانا امشي للمدرسه وهي يلحقني بالسياره يا بنت الحلال اخذي الرقم انا ابيك بالحلال ومن هالكلام وانااااا امشي وما اعطيه وجه دخلت دهاليز ودهاليز عشان ما يقدر يلحقني بسيارته واخيرا وصلت المدرسه الي كانت تبعد عن البيت بمسافة ربع ساعه مشي لكن يومها ما فهمت شي حاضره بالصف لكن مو حاضره كيف ما ادري صار وقت الانصراف طلعت من المدرسه وانا كل تفكيرري اقول اخاف اروح البيت واكون فيه لحالي وينط علي او يطلع لي من تحت الارض كأنه مو انسان كأنه شبح ( ما اقصد مرسيدس ) صادني فضول عنه وعن عائلته وكلامه يرن رن بإذني يبيني بالحلال ياااااااااااااااااااااااااريت انصدمت لما شفته واقف بسيارته عند باب المدرسه ينتظر طلوعي ما قدرت اوقف على رجولي رعب في رعب الي كنت احس فيه لكن نفس الوقت كنت احس باللذه من اهتمامه فيني ما عمري حسيت اني الفت النظر ولمين لواحد ضابط !!! مسكت بنت جيراننا قلت لها بمشي اليوم معك قالت طيب مشيت معها والا قالت لي غريبه وش فيه ولد فلان جاي هنا قلت لها مو لي قالت هذا اخر شي اتوقعه انه جاي لك هههههههههه من قلة البنات بالديره هذي البنت الواثقه من نفسها بشكل مو طبيعي يحق لها مع انها بنظري ما كانت جميله بس من كثر الواحد يتكلم عن نفسه وحلاوته الناس يتخيلونه بالشكل الي يبيه راعيه ما همني كلامها ولا حطمتني لأن كلامه هو لسه قاعد يتردد بقلبي واذني وروحي قلت لها وش تعرفين عنه ؟ قالت هذا من عائله كبيره اصحاب ملك وغيره وبناتهم كلهم متزوجات احلىىىىىىىى زواج ومن ناس معروفين واغنياء وكلهم عندهم املاك وما يرضون بأي احد يدخل العائله من غير ما يكون ذا حسب ونسب قلت بخاطري خلف الله علي وعلى اهلي الي كل واحد ما يعرف الثاني وش فيه وش صار له اختفى يوم يومين اسبوع اسبوعين بصرااااااااااااااحه اشتفت له رغم عدم معرفتي فيه اشتقت لمجرد اني حسيت اني آدميه المفروض ان احد يهتم فيني ما كنت اعرف قصص الذئاب والحكايا ما كنت اعرف وش يعني الزواج غير حفله وشهر عسل ويمكن يقتصر على حفله بسيطه بس كان في شي الوحيد بالزواج عاجبني اني اروح السوق واشتري الي ابيه هذا الشي الوحيد الي كان شادني بالزواج والاهم الي ابي اوصله لكم اني ما عندي خلفيه بكل هالمواضيع كيف اشوفه مره ثانيه الشباك صار صديقي الوحيد بالليالي الظلمه انتظر قدومه وانتظر خروجه لكن لاااااااااااااا ما عدت اشوفه اختفىىىىىىىىىىى اختفىىىىىىىىى يا فرحه ما تمت سافر , بالعمل , انتقل من هالمكان لبيت ثاني , مات الله العالم وجه هذاك اليوم الي طلعت للمدرسه انصدمت بسيارته رجع رجع سيارته !!!!!! |
|
06-23-2008, 03:21 PM
|
#7 |
|
عضو نشيط
|
((7))
من الفرحه ما عرفت وش اسوي رجعت البيت اخذت ورقه وقلم كتبت رقم البيت ايامها ما في موبايلات يعني الي كان عنده موبايل كان راعي عز كتبت رقم البيت ولطقته على سيارته ومشيت بسرعه قبل ما احد يشوفني ركضت وركضت كأني سارقه شي وابي انحاااااااااش رحت المدرسه لكن قلبي كان يدق واطالع الساعه ابي بس اطلع ارجع البيت ابي بس اروح البيت واشوف السياره واشيل الورقه الي حطيتها احس بندم احس اني مسوي شي استحق اني اندفن علشانه خايفه من كل شي كنت احسب نظرات كل وحده تمر صوبي كأنها كاشفتني اني مسويه شي غلط رجعت البيت لكن ما لقيت الورقه على سيارته ان شاءالله طارت ان شاء الله ما حصلها لكن ما مداني اني ابدل ملابسي الا رن التلفون الوووووووووووووووو .............. الووووو الوووو قلت ياك الموت يا تارك الصلاة نعم من انتي قلت له انت الي متصل قال كيفك يا امل ؟ يا ويلي عرف اسمي واكيد عرف كل شي عني خلاص انا انفضحت وبكره سيرتي على كل لسان خفت وسكرت السماعه بوجهه وشلت فيشة التلفون وقعدت ابكي على فعلتي قلت ما ادري كيف راح اتصرف لو احد درااا عني كل هذا يطلع مني ؟ الى هنا وصل فيني الجراه اني ارقم واحد وانا لسه بالثاني المتوسطه اجل لا كبرت وش بسوي ياريتك يا مريم ما تركتيني لحالي بالبيت ياريتك هنا لو انك تحطين دوبك بدوبي احسن من الفراااااااغ الي انا فيه صار الليل وصار وقت النوم تذكرت الفيشه قلت برجعها وان شاء الله ينساني وما يتصل مره ثانيه لكن هيهات لمجرد اني ركبت الفيشه رن التلفون شلته قلت الووو قال اسمعيني بس دقيقه بس دقيقه قلت له اشتبي مني ؟ قال لي انا شفتك لما حطيتي الرقم لا تنكرين ابي اكلمك والله ابيك وانا ما قاعد العب عليك حسيت ان الدم نشف بعروقي لا كنت قادره اقعد او اوقف على رجولي كنت ميته خوف لكن كل الي ابيه انه يواصل بكلامه ونفس الوقت الخوف ذابحني اني اواصل بهذي المكالمه وبهذا الوقت من الليل واصل كلامه ما اتذكر وش قال لي حسيت اني بحلم والدنيا تغيرت بعيوني أووووووووف كل هالمواصفات فيني قال لي تعرفين وش اسمي ؟ قلت لا قال طيب اسئلي اي سؤال وانا برد عليك خليني اسمع صوتك سكت وطال سكوتي وانا اسئل نفسي سؤال واحد متى بتنتهي هالمكالمه قال لي ان اسمه حمد ما رديت عليه قال على الاقل قولي والنعم برضوا ما قدرت ارد وين راح لساني ليه ما حسبتها عدل لما حطيت له الرقم اني المفروض اني اكتب اني ما اعرف اسولف ولا اعطي واخذ بالكلام اشفيني انا مجنونه وش قاعده اقول لنفسي ؟ كلميني عن نفسك يا امل وش تسوين وش هواياتك ما اشوفك تطلعين الا للمدرسه قلت له ما اقدر اتكلم الحين بكره بتكلم معك انا خايفه خلاني على راحتي قال لي هذا رقمي سجليه تلفونا ما يطلع يا حمد مجرد استقبال أجل كيف اعرف ان وقتك مناسب اني اتصل فيك ما ادري ؟ شوفي شفتي الدرج الي يودي على الطابق الثاني ببيتكم ؟ ايوه هنا بالضبط موقع غرفتي يا امل دقي علي على الجدار واول ما اسمع طقاتك على طول بتصل فيك قعدت افكر ليه ما نمد لنا سلك وعلب زبادي مو احسن طبعا هالكلام بيني وبين نفسي لأني لو قلت له هالكلام اكيد راح يضحك علي لاااااااا ليه يضحك الا اسلوبه هو الي يضحك وش الي ادق عليه من وراااا الجدار قلت له طيب بس عشان اخلص منه قبل ما يسكر التلفون قال لي امل انتي كم عمرك ؟ أنا أنا 12 سنه يوووووه امل انا اكبر منك انا 27 سنه شوفي كم فرق السن بيني وبينك ؟ حمد لازم انام انا خايفه احد يسمعني طيب مع السلامه لا تنسين الجدار ما بروح العمل بكره الا اذا شفتك طالعه للمدرسه وارجوك هالمره ابتسمي بوجهي اوكي باي باي وسكرت بوجهه السماعه قعدت على السرير وانسدحت وقعدت اتذكر الشريط كامل كلمه كلمه حرف حرف وكل كلمه اطلع لها مليون توضيح واستفسار متى بصير الصبح متى بكلمه مره ثانيه لا ما ابي اكلمه كنت احس اني قاعده اسوي بلوه كبيره واكيد راح ادفع الثمن غالي |
|
06-23-2008, 03:22 PM
|
#8 |
|
عضو نشيط
|
((8))
مرت الايام وكاني كل يوم ادق عليه الجدار ويتصل فيني الليالي الي كانت تمر بسكوتها وظلمتها صارت من احلى الليالي وانا معاه على التلفون ليله بعد ليله قلت له قصة حياتي كلها فلم هندي من الف الى الياء الين ما شفته هذاك اليوم بالصدفه يسمعني من غير ما يقاطعني كنت احسب ان قصتي هذي وصلت للنهايه واتاري البدايه توها ما بدت على ايد حمد نفسه حمد طلع بحياتي مثل الشمس الي اشرقت نورها وصرت كل يوم اصحى وانا احس ان في شي حلو بحياتي يستحق اني اواصل بحياتي واعيشها مثلي مثل البنات رغم صعوبة الموقف اني اتقبل اني على علاقه مع شاب يكبرني بــ 15 سنه الا اني كنت سعيده وما عدت احسب افعالي كنت بالعكس اشوف الايجابيات فيها قدرت اركز على دراستي طبعا هو كان ملهمي الوحيد الحين يا امل تدرسين وخلي البيت يحترق ما عليك شوفي بتصل بعد اشوي وابيك تحلفين انك قاعده تدرسين طيب كلامه اوامر بالنسبه لي بالعكس فرق السن حسسني بالامان ياريتك ابوي يا حمد ولا كنت حبيبي غريبه متى بيقول لي انه يحبني ؟ ما اشوف انه يتكلم عن الزواج او كلامه انه يبيني بالحلال مرت الايام ولو اقول لكم عن صفاته راح اظلمه هالحمد كان يطلب مني اني افتح شباك غرفتي كل يوم قبل ما اروح المدرسه ولما كنت ارجع كنت الاقي صحن فيه رز واكل كل يوم نوع وصنف حمد ليه كل هذا أنا امك وابوك واخوك واختك واي شي تبين انا عيوني لك انتي بس اشري وفعلا مرت الايام وخلصت ثاني متوسطه وهو على حاله ما تكلم عن الزواج ولا تغير اهتمامه فيني اصحى وانام على صوته وليالي كان ينام وهو لسه ما سكر التلفون اسمع صوت نفسه وهو نايم واخلي السماعه جمبي الين ما اصحى الصباح للمدرسه واسمعه وهو لسه على الخط اقفل السماعه وكلها ثواني وهو يتصل فيني الدنيا بعيني ما عادت الدنيا نفسها نسيت همي نسيت ابوي واهلي كلهم لكن ما عمري نسيت امي بالعكس أجري واجرها على رب العالمين طول سنه ما قد مره قال لي تعالي معي خلينا نطلع او شي من هالكلام ؟ الين جه الوقت الي سئلني فيه وقعد يحلفني بأعز ما عندي اني اثق فيه واجي اقابله ما اقدر اروح مستحيل مستحيل مر شهر شهرين على اصراري اني ما اطلع معه لكن حبه بقلبي وتعلقه كان يزيد اكيد بيزيد ليه لا ما شفت منه الا كل خير كنت اسميه قول وفعل عمره ما وعدني بشي وما سواه لي وبدل الاكل الي كان يحطه لي بالشباك كان يزيدهم اغراض هدايا بسيطه او مبالغ بسيطه كان يقول لي انا اقدر اعطيك ازيد لكن انتي صغيره واحب اعطيك على قد مصروفك ما ابي اشوفك بالسوق مع ان السوق قريب من البيت اي شي تبينه اطلبيه ابيك مثل ما انتي قليلة الطلعات تسمعين الكلام وهذا الشي الي يجذبني فيك أمل انتي منتي حلوه مثل اكثر البنات لكن تأكدي من شئ انا احس ان الله سخرني لك وان فيك شي غير عن كل البنات ما ادري طهارتك عفتك والله اني متأكد اني انا اول انسان بحياتك وصدقيني ان الله وحده عالم بقلبي ما ابي ارز لك كلام حب والله اني اخاف عليك من لفحة الهواااا ما ابيك تتعودين على الدلع وكلام الحب وانتي بهذا السن ما قلت لك ابيك بالحلال الا اني صابر على انك تكملين لو كم سنه من دراستك اصبر على سنك واخاف بكره لا كبرتي تقولين ليه اخذت اكبر مني وانا كنت صغيره ومتسرعه .. الي خلاني اخذ منه مصروفي لاني كنت اروح لأبوي لكن للأسف ما طلع قد كلمته خالف عني اسبوع اسبوعين واحيانا شهور ما عدت اشوفه اروح له المحل ما القاه وان كان هناك بالصدفه يقول ما عندي ما مد ايده لي بريال بهذاك الوقت اخوي راتبه ضعيف يادوب لمصاريف السياره والايجار واكله براا البيت لان دوامه لازم يتغدااا بعيد عننا يا اخوي ليه ما فكرت فيني ما قلت هذي بنت تحتاج ولو للأشياء الضروريه ايه اشياء ضروريه مثل فوط صحيه كان يجيبهم لي حمد لا تستغربون ما عدت استحي بطلباتي له وهو تعود ان طلباتي تكون مجابه وافقت على طلعتي معه لكن بشرط اني ما اتأخر عشر دقايق وشرطي ان اول ما اقعد بالسياره معه انه يعطيني مفتاح السياره عشان ما يشغلها جلست وتقوقعت بمكاني حسيت اني ما اعرفه كلام التلفون يختلف كثير عن الشوفه وجه لوجه ما توقعته وسيم للدرجه هذي وانا وجهي صاير اصفر بنت جيراننا كانت تحط ميك آب حتى بالبيت وانا اهلي ما يخلوني حتى لو اكون لحالي كل شي عندهم عيب كلمه بكلمه واخر شي خذنا الكلام والسوالف قال لي ما وثقتي فيني عطيني المفتاح عطيته مشى ومشى الين ما وصلنا السوق قال لي تغطي تغطيت انزلي ندخل هالمحل لا ما ابي لا تخافين دقايق بس وراجعين شراااا لي مضاعد اثنين من الذهب اتذكر ان قيمتهم يمكن 5000 ريال وزنه ثقيل ولو كنت بوقتها ما كنت اقدر احسب هالمبلغ لو كان بيدي ما عمري شفت مبالغ اكثر من 200 ريال لبسني المضاعد بيدي قال يا مالك من الخير يا امل قلبي تستاهلين عمري ما شفت ان الذهب حلو الا بيدك ما عرفت وش اقول له سكت ورجعت البيت وخبيت المضاعد بين ثيابي وكثرت طلعاتنا كل اسبوع طلعه وما عمره بخل علي لا بحنانه ولا بعطفه ولا بالهدايا كنت محبوبته الوحيده الي ما كان يشوف غيرها ندى رجعت من السفر مع زوجها لكن بس عند الباب وسكرت الباب بوجهه بكل قوتها روح ألعن ..... عساك ..... يا ..... وعيالها واحد بيدها والثاني حاملته بين اياديها ندى وش صاير قالت قلت له بقعد عند اهلي كم يوم قال لي طيب فكه منك ومن طلباتك لكن لا تتوقعين اني اعطيك مصروف لا لك ولا لعيالك وخلاني ولا عطاني شي وكيف راح تتصرفين ما ردت علي دخلت غرفتي القديمه لأني انا اخذت غرفة مريم هذاك الوقت ورتبت ثيابها وطلعتهم من الشنطه وانا كل تفكيري يا ربي كيف اكلم تلفون كيف اقدر اتواصل مع حمد وندى هنا مع ان مقر التلفون بغرفتي بالضبط لكن ما كنت انسى هالباب الي بيني وبينها الي كنت اسمع كلام مريم مع خطيبها اكيد ندى راح تسمعني وانا اتكلم |
|
06-23-2008, 03:23 PM
|
#9 |
|
عضو نشيط
|
((9))
ما ادري شلي خلاني افتح قلبي لندى واقول لها عن كل الي صار كل الي سوته انها سمعتني وقالت تحملي بروحك وانتي معه لا تعطيه شي ابد لا يلمسك ولا يبوسك ولا .... هذا الي قدرتي عليه يا ندى الحين لما افكر في كلامها بعد ما كبرت اقول ياريتك يا ندى كفختيني فضحتيني بين الاهل ولا سكتي عني ... عطتني نصيحتها بالقطاره وكأن النصيحه عندها بالنسبه للحالات هذي ان الوحده تاخذ الي تبيه لكن ما تعطي شي تفكيرها محصور بأنانيتها بس ... ياريتني ما قلت لك يا ندى عن سري وحبي لحمد خلتني اغطي على افعالها وهي صارت تغطي على افعالي وعرفت اسرارها وياريتني ما عرفت اسرارها كنت احسب الحب او التعرف على شاب يعني الحب والطهاره الي كنت عايشتها مع قصة حبي لحمد لكن طلع التعرف على الشباب له اسباب ومسببات وما اعتقد ان سبب واحد من هالاسباب اسمه الحب وبدل ما نتهاوش انا وندى على شغل البيت صرنا نتهاوش على التلفون بنصايف الليل انا بتكلم مع حمد وهي بتتكلم مع ...... و ..... و ...... طبعا كلهم شباب ليلي ما فهم مقصد النقط كانت تاخذ مصاريفها من الشباب وانا اشوفها وهي طالعه وداخله وانا امسك عيالها هذاك الوقت اجازه الصيف يارب متى ولدها يدخل المدرسه عشان بدل ما تجينا بالسنه عشرات المرات يقتصر جيتها بالسنه حسنه وعادت المياه لمجاريها بينها وبين زوجها اليوم بتذلف بتروح لزوجها وانا فرحتي مو سايعتني ابي اصرخ ابي افرح ابي ارقص من الونااااااااااااسه ما قلت لحمد عن سوالف اختي كنت خايفه منه لأني اعرف تفكيره واخاف يجزم اني اكون يوم من الايام نفسها ... راحت ندى ورجعت الليالي الحلوه من جديد لكن .. صار الي ما كنت احسب حسابه حمد طلب مني انه يزورني بالبيت لاااااااااااا خايفه ياما قلت هالكلمه ورددتها له خايفه لكن بالاخير كنت ارضخ لأوامره مثل العميه الي ما تشوف طريقها لعل العميه تشوف بقلبها لكن العمى الي كان فيني عمى مؤقت عمى يخليني اشوف الاشياء الي غلط صح والي صح غلط اشوفه هو لحاله انه دليلي الي امشي تحت وصايته جاني البيت دخل غرفتي وصار الي صار ....... حمد طلع مني دم لا تخافين انا ابيك انتي لي لحالي انتي زوجتي غصبا على الكل لااااااا انت كذاب انت كذاب ما عدت بنت ما عدت انا الطاهره الي كنت تقول لي عنها أقسم لي بأغلظ الايمان انه صادق بوعده لي متى ؟ متى بتخطبني متى الزواج ؟ بكره بكره ؟ ايه صدقيني ما قلت لكم قول وفعل راح لأهله كلمهم وهجموا علي بالبيت وكفختني اخته قالت من سابع المستحيلات اخوي الوحيد ياخذ وحده لاهي من ثوبنا ولا تقرب لنا نكرت كل شي قلت لها ما اعرفه ما ابيه تنازلت عن حقي فيه ما عدت اشوف قدامي ولا عدت اكلمه خايفه من تهديدات اخته وامه لي انهم يخبرون اهلي شهر ما شفته وانا لا ليلي ليل ولا نهاري نهار نسيت النوم والزاد نسيت كل شي وصرت انسانه متوحشه مسجونه بغرفتها كل همي كيف احل هالمشكله وياريت الحل بيدي اكيد يتصل فيني لكن ما عدت اركب الفيشه الين ما فتحت المدارس وبدت دراستي بالصف الثالث متوسط شفته من الصباح يستناني مشيت وهو وراي اركبي اكلمك اركبي لا تخليني انزل لك واركبك غصب ركبت معه قلت له شي واحد حمد الي سويته انا مسامحتك فيه لكن اذبحني وقطني بأي مكان خلني اموت ولا انفضح قال لي اليوم رايح لأبوك ما عليك من اهلي باخذك غصبا عليهم وابوك بعطيه الي يبيه يبي ارض يبي بيت يبي فلوس انا تحت امره لكن انا ابيك والله اني ما سويت هالشي الا اني ابيك وعارف نفسي اني صادق اتصل فيني العصر قال انه طالع رايح لأبوي وش كان رده بعد ما رجع ابوي قال له شوف يا حمد انت ولد ناس واهلك معروفين يكفيني مركزك واسمك وبنتي ما راح تحصل احسن منك لكن انا خايف من عمامك وخايف من تصرفهم لما يعرفون ان عطيتك بنتي غصبا عليهم حمد خلاص ابوي وانا اعرفهم عمره ما رجع بكلامه خلااااااااااص انتهيت انت اثبت لي انك تبيني لكن لكن اهلك وابوي وش الحل غير الموت بجيك الليله لا يا حمد بجيك ونتفاهم وجاني ليله بعد ليله وتتكرر الماساه وكل يوم والثاني يروح يترجااااا ابوي لكن ابوي مهو راضي كل عمامه ميتين الا واحد بس وهذا الواحد انسان وش اقول لكم عنه محد يقدر من العائله يسوي شي الا لما يشاوره وياخذ رايه في ليله من الليالي وهو عندي قعدت ابكي اقول له شوف صورتي وانا صغيره كيف بريئه يا حمد شوفني والحين وانا لسه ما كملت 13 سنه وانا زاااااااااااااااااااانيه يا كبرها عند الله ليه سويت فيني كذا ويقعد يبكي قدامي يقول لي وش بيدي اسويه والله والله اني اروح اترجاااا ابوك ولا هو راضي اليوم الي بعده راح لأبوي وهنا الطامه الكبرى حمد قال له انا فعلت ببنتك وانا ابيها وابي استر عليها ولو انت تبي الستر لبنتك استر عليها بزواجي منها والله العالم يمكن انا اطلع من عند وانا ميت وبعدين ما ينفع الندم وش كان رد ابوي لااااااااااا ما تهمني خلها قال له حمد والله ما يهمني والله لحملها واجيب سفاح منها لكن هي لي وانا لها واخلي الحكومه هي الي تحكم بزواجي منها .. توقعت بعد الكلام الي قاله لي حمد عن الي صار بينه وبين ابوي ان ابوي جاي بالطريق يذبحني ويدفني بمكاني صليت ودعيت ربي الرحمه والمغفره وانتظرته وانتظرته .... ما عمري طولت بدعائي هذاك اليوم كثير هاليوم بالذات يــــــــــــــــــــــــــارب يا ربي يا رحمان يا رحيم سترك يا الله سترك سترك يا ساتر العيوب ما عاد في شي يستر علي غيرك يالله يـــــــــــــارب وش السواه اكيد موتي قرب على ايد ابوي ايه ابوي الي ما عمره رحمنا وحنا صغار ما اعتقد بيرحمني غيرك يا ربي ارحمني واغفر اكبر خطايا ياربي يا كبر ذنوبي يا رب يا رب انت عالم بحالي واحوالي مالي سواك يا رب العالمين مالي سواك لا ام ولا اب ولا اخ ولا اخت محد عالم بحالي وكل الي مريت فيه بسنوات عمري القليله الا انت يا واحد يا أحد يارب العالمين ما بيدي شي غير الدعاء ياربي دموعي ماهي كفايه على كبر ذنبي وقبح ذنبي يارب انا زانيه والشرع حلل موتي وموتي ما ادري هل بيكون على ايد والدي او مين من اهلي ؟ ارحمني يارب ان موتي كان فيه رحمه ارحمني يارب يارب مالي غيرك انت الوحيد الملجأ لي ارحمني اغفر لي لا تاخذ روحي الا وانت غافر ذنوبي ليت دموعي تغسل خطايا وليت الدعوه تستجاب انتظرت وانا كلي انتظار بالفكاك من فعلتي ما عدت خايفه ما عاد للخوف محل بقلبي انتظرت طول الليل الين ما اصبح الصبح ابوي وينه ؟ ما جه ؟ ما سئل عني ؟ لااااااااااااا في شي غلط أب يعرف انه بنته ضاعت ولا يسئل عنها !!! |
|
06-23-2008, 03:27 PM
|
#10 |
|
عضو نشيط
|
((10))
اتصل حمد قلت له ما جه ابوي قال ولا اعتقد يجي بعد خلاص ننفذ الخطه لااااااااااا مستحيل انا ما احمل منك خلاااااااص يكفي لعلي ما اتزوج طول حياتي واتم خادمه تحت رجل امي واخوي ولا اسوي هالشي وانا وانا يا امل ما فكرتي فيني انا ما اقدر اعيش من دونك الشباب لا يبغون شي من البنت ياخذونه ويمشون ولا يفكرون ان يحملونها عشان الزواج وش الحل ؟؟؟ وش الحل ؟؟ غير هالحل ... قلت له في حل لا تستعجل خلاص ما عدت استحمل اكثر من كذا رحت لمريم قلت لها كل الي صار طقتني كفختني اصفقتني بالجدار وقلت لها ابوك يدري انا ابيه ابيه وهو يبيني ولو ما رضيتوا انا بسوي الي قالي عليه حمد بحمل ايه بحمل واخليكم كلكم بنظر الناس فلس ما تسون ما عاد يهمني شي قالت لي اياني واياك تفتحين السالفه هذي لأحد خليك معه يجيك وقت ما يبي عشان ما تخسرينه الين ما نلاقي حل ارجووووووووووك انا ما ابي اطلق وانا حامل ارجووووووووووووك اكفيني شرك يوم بعد يوم حمد يحاول معي اننا ننفذ الخطه وانا رافضه الين اليوم الي وافقت من يأسي وصبري على اختي انها تحصل لي حل لكن حلها الوحيد اني اسكت وارضخ للأمر الواقع اني ما اخسر حمد بكفه وانها تحافظ على زواجها بكفه ثانيه حاولنا وحاولنا لكن مشيئة الله فوق كل شي ما قدرت اني احمل كل شهر وكل دوره كنا نتحسف على اني ماني حامل أستغفر الله وكان يزعل ويعصب ويقول الى متى ؟ صارت علاقتي فيه مجرد محاولات ومحاولات اننا نجتمع تحت سقف واحد بورقه تثبت اننا متزوجين الين صار شي جديد بحياتي بالفصل الثاني من دراستي بالصف الثالث متوسط صرت اماشي البنت نفسها الي هذاك اليوم طلعت معي من المدرسه بنت الجيران الي كانوا اهلها يخلوها تحط مكياج على راحتها جتني مره البيت وبغرفتي وسئلتني ان كانت تقدر تاخذ رقم تلفوني وتعطيه لأحد عشان يكلمها لأن ما تقدر تكلم بالبيت وافقت بدون تردد وياريتني ما وافقت عطيتها الرقم وعطته لواحد من الي تعرفهم وصار يكلمها كل يوم العصر وهي تكلمه ساعه تقريبا حصلت بينهم مشاده واختلفوا يوم من الايام وكل واحد راح بطريقه اختفت البنت وكأنها بينت على حقيقتها كانت تجيني عشان التلفون انا كنت احس ان الاحساس الي بيني وبين حمد صار وكأن شي روتيني ان اسمع صوته ويسئل عن اخباري بالمختصر المفيد فقط لكن مع ذلك ما كنت احس انه تراجع عن قراره بالزواج مني لسه كان يروح لأبوي وابوي كان يقول له اصبر وروح لعمك واخذ موافقته وبعدين تعال وبعطيها لك ولو ببلاش .. مرت الايام لاحظت ان التلفون ما عاد يسكت كل يوم مكالمات غريبه محد يتكلم اشيل التلفون اقول الووو ويصكونه بوجهي او يسكتون الين ما انا اقفل الخط زهقت كلمت حمد قلت له وش قاعد يصير قال ما عليك اكيد هذا ناس فاضين لكن ان طلع واحد من هالشباب سكري التلفون على طول ولا تتكلمين معه فهمتي ؟ طيب يا حمد لو كان الرقم بأسمي كان قدرت اني اغيره لكن وش الحل غير اني اطنش هالمكالمات الغريبه خالتي اخيرا جاااااااااااء قرارها انها تزوج اخوي وكأن مصير هالولد بيدها وكان ينتظر موافقتها واختيارها ولضعف شخصيته وافق الاختيار وقع على بنت من منطقه بعيده اشوي من بيتنا ولكن مو من نفس المدينه وجه وقت الزياره او الشوفه الشرعيه بينهم وانا كنت معهم خالتي ساكته ومريم ساكته واخوي بزاويه والبنت دخلت علينا وانا اقول يا ثقل اهلي بكل الحالات سكوتهم يعل القلب كأنهم جاين عزاااا مو جاين يخطبون دخلت وكرهت عمري لما شفتها اخوي هالحلو الوسيم رغم ضعف شخصيته لكن انه وسيم وكل وحده تتمناه ... وش هاذي ؟؟؟ يبين عليها قويه او انها تشيل حديد حقت كمال اجسام مسكين يا اخوي يا نحيل العود راح تموت لو حصل صراع بينكم قعدت وش اوصفها وش الزين فيها ولا شي يا كرهي كرهااااا وش الي جيبني معهم يقرفك يا اختي وش هالاختيار قوية عين تطالعنا وتسئل اخوي عن كل شي بدل ما تكون منزله راسها شخابيط وجها بالمكياج يبين عليها انها تبع القرى وما اعتقد انها فهمت شي بالترتيب او التزين ابد ما ادري احسها ما تناسب لأخوي رجعنا البيت وبعد ما وصلنا خالتي واختي بيتهم كنا انا واخوي لحالنا بالسياره قال بعشيك بهذي المناسبه الله يا اخوي توك متذكر انك تعشيني من برااا وداني مطعم حق هنود ونادى على الهندي وطلب ثلاث سندويشات وحده لي واثنين له اكيد اثنين له مو الولد له حق الانثيين !!! |
 |
| أدوات الموضوع | |
| انواع عرض الموضوع | |
|
|
 |
 |
 |
العرض العادي
